MASALIGON ANG Power Sector Assets and Liabilities Management Corporation (PSALM) nga mahalin na sa ikaduhang round sa pagsubasta sa usa ka power barge sa Mindanao.
Gipaabot na sa PSALM, matud pa, ang sugyot sa mga naglaraw’ng mo-apil sa subasta kon unsaon nga ang pagpalit mahimong bentaha alang sa kagamhanan ug usab sa mopalit.
Ang pagsubasta sa Power Barge 118 naglakip sa iyang ekipos, estraktura ug kahimanan.
Ang PB 118, kasamtangang gi-angkla sa Barangay San Roque, Maco, Compostela Valley, ug unang nag-dugang ug gahum dagitab sa Mindanao kansang panginahanglan nagtubo sa 13.5% matag tuig. (PIA)