PATAY na ang huhungihong nga si Department of Interior and Local Government Secretary Ronaldo Puno nataktak na sa iyang posisyon
Kini human mibalik si Puno human sa pagpalta sa trabaho kay mitambong sa kasal sa iyang anak didto sa Estado Unidos.
Kini usab human gihagit ni Senate Minority Leader Aquilino Pimentel Jr. si Presidente Gloria Macapagal-Arroyo pagpatin-aw sa appointment status ni Puno luyo sa huhungihong nga moluwat na kini sa katungdanan.
Sa panahon nga wala si Puno, si DPWH secretary Hermogenes Ebdane ang milingkod isip OIC sa DILG.
Hinuon, pagkakaron, nahibalik na si Puno ug siya wa na magkinahanglan pa ni Ebdane nga mamahimong kaabag niini sa DILG. (PIA)