INTERESADO ang Qatar sa pagpamuhunan sa mga negosyong panguma ug pangisda dinhi sa Pilipinas.
Mismong si Emir sa Qatar, Sheikh Hamad Bin Khalifa Al-Thani, mipadayag kang Presidente Gloria Macapagal-Arroyo sa tumong sa iyang nasud sa kabahin sa laraw.
Kusog nga importer ang Qatar sa kasagaran niining panginahanglan sa agrikultura gikan sa laing mga nasud ug karon nagpalig-on sa iyang ekonomiya pinaagi sa pagpamuhunan agig bag-ong negosyo.
Niini, gimandu na usab ni Presidente Arroyo si Department of Agriculture (DA) Secretary Arthur Yap nga maghomo ug mga project proposals nga magtubag sa panginahanglan sa Qatar.
Una na nga misulod ang Qatar sa negosyo sa Pilipinas sa iyang paglagda sa joint venture sa nasud kabahin sa paghatag ug serbisyong Qatar Telecom (QTelcom) wireless broadband dungan sa pagbisita ni Mrs. Arroyo sa Qatar.
Ang Qtel maoy labing daku nga kompanyang telecommunications sa Qatar nga naghatag ug wireless broadband, mobile ug mobile broadband nga serbisyo.
Kasamtanagan na usab kini anaa sa 16 ka nasud ug naghatag ug wireless-tribe brand, nag nagsuporta sa broadband serbisyong wireless. (rachiu/PIA)
