DAGHANG angay sayran sa ahensya sa Department of Interior and Local Government gikan sa Bohol, matud ni Kalihim Ronnie Puno sa iyang pagbisita dinhi.
Lahi na ang Bohol kay sa kaniadto, nga usa sa pinakalisud nga lalawigan sa nasud, butyag niya atubangan sa mga sakop sa hiniusang tigum sa PPOC, SP, LMP, VMLP, ABC ug sa tanang organikong sakop sa ahensya sa milabayng Biyernes.
Si Puno mitug-an, nga sa iyang pagkadungog sa nagpadayong tigum diin si Gob, Erico Aumentado ang nangulo, iya na nga nabati ang kinatibuk-ang gahum sa usa ka local government unit nga gigamit sa usa ka lider nga sayod sa iyang gibuhat.
Si Puno misuroy sa Bohol aron mosaksi sa paglagdaay sa kasabutan tali sa Bohol ug sa nasud sa Canada pinaagi sa Local Government Support Project Local Economic Development diini maoy plastada nga paggamit sa pagtunabanagy ug konsultasyon sa mga ka tagi-lungsod aron pag-ugmad sa usa ka lugar. (PIA)