Senior citizens, dili na pangayoan og PhilHealth ID
MANILA, Nov. 13 (PIA)–Dili na kinahanglang magbaton dayon og Philippine Health Insurance Corporation (PhilHealth) card ang mga senior citizens aron mapahimoslan ang balaod kalabot sa mandatory coverage sa tanang katawhan nga nag edad og 60-anyos pasaka.
Kini matud pa ni Deputy Presidential Spokesperson Abigail Valte sa press briefing kagahapon human gilagdaan ni Presidente Benigno “Noynoy” Aquino III ang Republic Act (RA) 10645 o “An Act Providing for the Mandatory PhilHealth Coverage for All Senior Citizens”.
Gihimo ni Valte ang pahayag tungod sa giingong daghang mga senior citizens ang wala pay PhilHealth ID mao nga nangahadlok sila nga dili nila mapahimoslan ang maong balaod.
“Even if you don’t have the card but you’re identified under the national targeting system as indigent or at least part of the list, you’re automatic recognized,” pahayag ni Valte sa press briefing kagahapon.
“So all you have to do, go to PhilHealth representatives in that hospital. Even you don’t have the card, they can check your identify via mass release,” matud pa ni Valte.
Giingong kinahanglan lang nga dalhon ang ilang senior citizen’s card nga maoy ipakita sa mga akreditadong tambalanan sa PhilHealth.
Gipasabot ni Valte nga maong giduso ug gisuportahan ni PNoy ang maong balaod aron dili na kini magamit sa mga politiko matag eleksiyon diin manghatag kini og PhilHealth card nga usa ka tuig lamang ang coverage. (ecb/PIA7-Bohol)