Usa ka grupo nga gi-apilan sa 61 ka mga NGO sa tibuok nasud ang mipakita ug kooperasyon ug suporta, aron pagmuga ug usa ka “Special Unit o Task Force” gikan sa mga magtutudlo, estudyante ug opisyales sa PTA.
Ang maong “Unit” gi-organisa sa matag tulunghaan aron pagbansay-bansay ug pagtabang sa kampanya ug pagsikop sa mga mogamit ug ginadiling droga sa ilang tulunghaan.
Mo-apil kini mga mga kalihukan sa ilang dapit kabahin sa kampanya batok sa ilegal nga droga nga gipasi-ugdahan sa mga nagkalain-laing grupo ug ahensya sa kagamhanan isip apil sa ilang “serbisyo sa komunidad o “co-curricular activities”.
Base sa Comprehensive Dangerous Drugs Act of 2002, tataw nga gi-ila ang partisipasyon sa pamily, estudyante, magtutudlo ug kadagkuan sa mga tulunghaan sa pag-implementar sa mga balaud batok sa ginadiling droga. (PIA/Bohol)