2 ka batan-ong lider napadala sa bansay-bansay sa Tsina
DUHA ka batan-ong Bol-anong lider ang nakaangkon sa libreng kahigayunan nga malakip sa 2008 ASEAN Cadres Training Program nga gi-organisa sa China Giangxi international Institute.
Milarga na sila si Christopher Boncales ug Emerson Pinos ning semanaha paingon sa Tsina.
Silang duha mga trabahante sa Capitolyo ug napadala sa duha ka buwan nga bansaybansay didto sa Naning, Guangxi ug Beijing sa China sugod ugma ngadto sa Nobyembre 10.
Kini maoy gibutyag ni National youth Commissioner Benjie Oliva, kinsa maoy gikasabot sa kagamhanan sa Tsina kabahin niining lakaw.
Si Boncales front desk officer ug resident tour guide sa Capitolyo samtang si Pinos maoy graphic artist sa Provincial Government Media Affairs ug usa ka boluntaryo sa Sangguninag Kabataan. (rachiu/PIA)
