by anyajulia | Sep 5, 2008 | Headlines, National News
KAMUGNAAN sa mga sentrong bansayanan sa katapus alang sa kapanginabuhian ang tanyag human napasupot sa Ubos Balay Balaoranan ang balaod nga magpahiluna ning panginahanglan aron patas-on ang kita sa mga kabus.
Kini human makalabang sa katapusang pagbasa ang House Bill no. 4349, o ang “Barangay Livelihood and Skills Training Act of 2008” magtukod ug magpadumala sa mga skills training centers sa matag fourth, fifth ug sixth class nga lungsod, ilabi na niadtong naa pa sa taas nga antas sa kawad-on.
Tumong sa balaod nga ipakanaug ang tabang sa kagamhanan ilabi na sa mga imprastraktura ngadto sa mga lugar nga mas nagkinahanglan niini.
Gipaneguro usab sa balaod nga magkatagbo na ang tanang paningkamot subay sa laraw sa kagamhanan aron hiusahon ang mga lakang batok sa kawad-on, segun sa mga tinubdan.
Gimandu usab ang katukoran sa Municipal Advisory Board ubos sa mayor, kinsa magtabang sa katukoran ug magmintinar sa Center. (rachiu/PIA)
by anyajulia | Sep 3, 2008 | Headlines, National News
Isip pag-lantaw sa pagpalambo ug pag-asenso sa mga kanayunan, mipasa og balaudnon ang Kamara aron sa pagbutang og panginabuhian ug `skills training center’ sa mga kanayunan sa tibuok nasud, labina sa mga kabus nga dapit.
Ang House Bill nu. 4349, o ang “Barangay Livelihood and Skills Training Act of 2008”, mimando sa pagbutang og mga `livelihood ug skills training centers’ sa mga 4th, 5th ug 6th class nga mga lungsod, labina kadtong taas og `poverty incidence’.
Matud pa ni Bataan 2nd District Representative Albert Garcia, usa sa mga nangamahan sa maong balaudnon, ang maong pamaagi molantaw sa mga kabus nga kanayunan, aron mahatagan og tabang ekonomikanhon gikan sa kagamhanan.
Base sa balaudnon, mohimo ug Municipal Advisory Board ang lungsod nga pamunuan sa mayor nga mao ang responsable sa pagtukod ug pagdumala sa maong `training center.”
Kini usab aron adunay saktong koordinasyon ug implementasyon ang lungsod ug baranggay, kabahin sa pangibuhian ug skills training nga programa sa kagamhanan, ug sa ilang mga “local development plan”, dugang ni Garcia.(PIA/Bohol)
