by magnolia_eic | Dec 1, 2010 | Headlines, National News
GIPASALIG niadtong Lunes sa Malacañang nga sigurado na ang P10,000 nga ‘Christmas’
bonus sa mga empleyado sa gobyerno sugod sa Disyembre 15.
Apil kini sa gitawag nga productivity enhancement incentive, gawas pa sa 13th month pay ug
cash gift alang sa Pasko.
Matud pa ni Budget Secretary Florencio Abad, ang P7,000 kuhaon sa sa-vings sa nasudnong
kagamhanan ug ang nahabi-ling P3,000 usab maggikan sa kaugalingong pondo sa mga
ahensya sa kagamhanan.
Dugang pa ni Abad, wala kini sa balaod apan gustong hatagan sa gobyerno ang hangyo sa
mga empleyado nga makatagamtam og gamay’ng ginhawa.
Tanang mga empleyado sa gobyerno bisan mga casual ug contractual, basta nakatrabaho
na og upat ka buwan makadawat sa maong bonus. Ang maong bonus nasulod sa
Administrative Order No. 3 nga una nang gipirmahan ni Presidente Aquino. (PIA)
by magnolia_eic | Sep 9, 2010 | Headlines, Local News / Bohol Balita
P8 bilyones nga gikaltas gikan sa National Food Authority (NFA) ang idungag sa programa alang sa cash subsidies sa kagamhanan pinaagi sa Department of Social Welfare and Development (DSWD), matud sa taho sa Philippine Daily Inquirer.
Ang P8B nga kanhi gigamit sa NFA alang sa subsidy sa pagpamalit og bugas karon deretso nga nga ihatag isip subsidiya sa bugas sa mga kabus, butyag ni Budget Secretary Florencio Abad subay sa gitaho.
Dugang ni Abad nga ang P8B nga gigamit sa subsidiya sa buhis sa pagpalit og humay sa gawas mahimo na nga tangtangon kay laraw sa kagamhanan nga ipapribado nga ang pagpamalit og bugas aron mapasayon ang gimbuhaton sa NFA.
Hinuon, dili pa piho kon ang P8B nga gihisgutan ni Abad mao ba ang kwarta nga ibayad sa NFA sa mga mag-uuma sa pagpalit sa humay o ang subsidy sa buhis alang sa NFA sa pagopalit niining bugas aron pun-on ang mga bodega niini pag-andam sa tingnihit. (PIABohol)
