Wala pag-agi ni Mike Arroyo sa Immigration, gipaimbestigar sa DOJ

by | Aug 6, 2011 | Headlines, Local News / Bohol Balita

TAGBILARAN CITY, Aug. 5 (PIA)–Gipaimbestigar na ni Justice Secretary Leila de Lima kang Bureau of Immigration (BI) Commissioner Ricardo David ang wala pag-agi ni kanhi First Gentleman Mike Arroyo sa Immigration sa dihang milakaw kini paingon sa Hong Kong niadtong Domingo, Hulyo 31.  Matud pa ni De Lima, nakadawat siya og report nga adunay nilihok sa mga dokumento ni Arroyo.

Base sa flight manifest, migawas sa nasud si Arroyo sakay sa Cathay Pacific.

Gibutang na sa Immigration watchlist ang kanhi First Gentleman nga nipahibalo usab nga mopaule siya sa Lunes human sa iyang medical check-up apan giingong mag-depende sa iyang mga doktor kun motambong siya sa imbestigasyon sa Senado.

Ipatambong sa Senate Blue Ribbon Committee si Arroyo sa imbestigasyon niini sa pagpalit sa duha ka segunda-manong helikopter sa Philippine National Police (PNP) sa presyong brand new. (PIA-Bohol/ecb)

Mga empleyado sa BI off-limits sa mga coffee shops ug restaurants

by | Dec 7, 2010 | Headlines, National News

GIBAWALAN ni Bureau of Immigration officer-in-charge Ronaldo Ledesma ang mga kawani
sa ahensiya sa pag-istambay sa mga restaurant ug coffee shops nga duol sa BI main office
sa Intramuros, Maynila.

Basi kini sa Memorandum Order ni Ledesma nga nagbawal sa bisan-kinsang empleyado
ug opisyal sa maong ahensya diin ang makalapas sa maong mandu, adunay kaatbang nga
silot nga suspensyon o dismissal sa serbisyo gawas pa sa paglapas sa Civil Service Rules
And Regulations.

Ang maong memorandum gimugna tungod sa mga nangabot nga taho kang Ledesma nga
adunay ubang tiwaling empleyado ug opis-yal sa BI nga gigamit sa iligal nga pakig-transak-
syon ang mga coffee shops ug restaurants.

Giingong sa mga coffee shops ug restaurants usab kasagarang magkita ang mga ‘fixer’ ug
mga tiwaling kawani o opisyal sa BI.

Sa maong memorandum, gitugotan nga ma-kita ang presensiya sa mga empleyado sa BI
sa coffee shops ug restaurants sa main office area sa maong ahensya sa Intramuros gikan
sa alas-7 sa buntag hangtud alas-12 sa udto ug ala-una sa hapon hangtud alas-5 sa hapon.
(PIA)