PGMA gipaabot nga molagda sa “Cheaper Medicines Law”
GIPAABOT nga pirmahan ni Presidente Gloria Macapagal Arroyo ugma ang balaod nga gituohang mopabarato sa tambal nga mapalit sa nasud.
Ang Universally Accessible Cheaper and Quality Medicines Act of 2008, nga gi-dasonan sa Kongreso sa miaging buwan, buot nga magpaluag sa mga balaod sa patent.
Kini aron mapaugmad pa ang pagpasulod sa mas barato nga tambal gikan sa ubang nasud.
Tumong usab sa balaod nga pugngan ang pagpanghatag ug patent sa mga bag-ong gamit sa usa ka tambal nga gibaligya na sa mga farmacia.
Ang balaod usab mag-gahum sa Presidente sa pagbutang sa price ceiling sa mga tambal, subay sa sugyot sa Secretary of Health.
Ang balaod usab magtugot sa importasyon sa sama, apan mas baratong tambal gikan sa mga nasud nga nagbaligya niinig kubos ang presyo sama sa India ug Pakistan.
Kini usab magtugot sa nga tighimo ug generics niining tambal sa pagtesting, paghimo ug laing tambal ug pagparehistro sa bersyong generic sa mga tambal nga may patent na. (rachiu/PIA)
