by magnolia_eic | Jan 21, 2011 | Headlines, National News
Adunay kapin sa 7,000 ka indibidwal ang nahimong biktima sa human rights violations niadtong rehimeng Marcos nga apil sa makadawat sa $7.5 milyon compensation fund.
Kini human nitabang ang Commission on Human Rights (CHR) nga mapadali ang pag verify sa mga claimants diin apil niini si CHR Chairperson Etta Rosales.
Matud pa ni Marie Cruz, media relations officer sa CHR nga bisan kauban si Rosales sa claimants, gibalibaran niini ang madawat nga parte sa giingong kantidad sa compensation fund ug i-donate na lamang niya kini sa usa ka foundation.
Matud pa, nakipag-tambayayong usab si Rosales kang Atty Robert Swift, lead counsel sa gidusong class suit aron mahapsay ang proseso sa paghatag og salapi sa mga biktima sa pagpanglapas sa tawhanong katungod. Si Cruz niingon nga makadawat og $1,000 ang matag biktima o miyembro sa gipasakang class action suit batok kang kanhi Presidente Ferdinand Marcos. (ecbPIABohol)
by anyajulia | Oct 9, 2008 | Headlines, National News
Himoon sa Commission on Human Rights (CHR) ang usa ka sistema sa data banking aron magtabang niini sa iyang mbuluhaton, ilabi na sa pag-pakisusi.
”Kabahin kini sa pagpalig-on sa Commission ilabi na sa iyang kapasidad,” butyag ni CHR Chairperson Leila de Lima.
Buot sa CHR nga mahimong maayong sumbanan ang iyang datus nga mapundo ilabi na sa pagtala sa pagbisita sa mga priso, mga programang pang-edukasyon alang sa mga nasilotan ug sa pagpanuki-duki sa mga paglapas sa tawhanong katungod aron kapun-an ang pagmonitor sa sitwasyon sa tawhanong katungod sa nasud.
Mituo ang ahensya nga ang pagtukod sa maong sistema naa na a tukmang panahon, ilabi na kay gisugdan na sa CHR ang mga imbestigasyon ug tabang legal ilabi na sa mga hisgutanan sa tawhanon, ekonomikanhon, katilingbanon ug kulturanhong katungod. (PIA/rachiu)
by anyajulia | Sep 25, 2008 | Headlines, National News
IPADALA sa Commission on Human Rights (CHR) ang mga imbestigador ngadto sa Mindanao aron sutaon kon may kamatuoran bang ang Moro Islamic Liberation Front (MILF) migamit sa mga batan-ong sundalo bisag supak sa international nga mga balaod sa tawhanong katungod.
Hinuon, si CHR Chairman Leila de Lima midugang nga nagpangita pa sila ug paagi nga ikapadangat kining hisgutanan sa mga lider sa MILF.
May mga nanggawas na nga television footages nga naghulagway sa mga bata nga naghupot ug mga armas samtang nagsul-ob sa uniporme sa MILF didto’s usa ka kampo sa MILF.
Subay sa international principles, ang paggamit sa mga bata supak sa child labor ug paglapas sa katungod sa kabataan, bisan pag ang mga bata mismo ang mitanyag sa ilang serbisyo, matud ni de Lima.
”Hinuon, himoon ang pagtuki sa paagi na isipon sa mga sakop sa MILF nga ang mga imbertigador sa CHR gikan sa usa ka independenteng bahan aron sila tahoron ug tabangan”, butyag ni de Lima. (rachiu/PIA)
by anyajulia | Sep 19, 2008 | Headlines, National News
The Commission on Human Rights (CHR) and its partner agencies will begin undertaking soon a nationwide voters’ education campaign.
CHR Chairperson Leila de Lima said this undertaking aims to increase among voters, particularly those from vulnerable sectors.
It also adds to the awareness and understanding about their right to suffrage so the country’s electoral process can be improved.
The vulnerable sectors mentioned include: the elderly, people with disabilities, detainees, internally displaced persons (IDPs), indigenous peoples and first-time voters. (PIA/Bohol)
