by magnolia_eic | Jan 9, 2012 | Headlines, National News
TAGBILARAN CITY, Bohol, Jan. 09 (PIA)–Planong pulongon sa Department of the Interior and Local Government (DILG) sa katapusang semana sa Enero o unang semana sa Pebrero ang mga opisyal sa lugar nga kuyaw sa landslide ug flashflood nga gitumbok sa Mines and Geosciences Bureau (MGB) sa Department of Environment and Natural Resources (DENR).
Sa usa ka radio interview, gipahayag ni DILG Secretary Jesse Robredo nga ipatawag nila ang mga lokal nga opisyal nga namuno sa mga natumbok nga lugar ug dungan nila kini pagapulongon.
Kalabot usab sa nahitabong landslide sa Pantukan, Compostela Valley, miingon si Robredo nga nadesisyona nang ipasirado ang mga tunnel nga kuyaw ug puwersahan na usab nilang ibakwit ang mga residenteng naa sa danger areas aron maguba na kini sa Armed Forces of the Philippines (AFP) ug Philippine National Police (PNP) ug dili na nila mahimong balikan pa.
Gawas sa tunnel sa Pantukan, susihon usab ang uban pang tunnel sa Compostela Valley nga kinahanglan nang ipasirado o selyuhan. (PIA-Bohol/ecb)
by magnolia_eic | Aug 25, 2010 | Headlines, National News
GI-ANKGON sa kalihim sa Department of Interior and Local Government nga si Jesse Robredo nga ang mga kapolisan kulang sa kahanas ug kahimanan nga gikinahanglan sa pagkupot og hostage situations sama sa nahitabong 11-ka oras nga hostage drama niadtong Lunes diin siyam ka tawo ang namatay, apil sa hostage-taker.
Matud pa ni Robredo nga makigkita usab siya sa mga TV networks aron pag-repaso sa protocols alang sa live coverage sama sa maong insidente.
Si Robredo nagkanayon nga ang Department of Interior and Local Government kon DILG ug ang Department of Justice kon DOJ mo tutok sa ka-kulang sa kahanas ug kahimanan sa mga kapolisan diin ang duha ka ahensiya mohimo og hiniusang imbestigasyon sa nahitabong hostage-taking.
Ang maong task force mohimo’g pakisusi sa mga posibleng sayop ug kalapasan nga nahimo sa mga kapolisan sa maong hostage-taking. (PIA-Bohol)
by magnolia_eic | Aug 7, 2010 | Headlines, National News
SI Presidente Benigno S. Aquino III makigtagbo sa mga opisyal sa Department of Agriculture kon DA sa dili madugay mahitungod sa posibleng pagpanghatag sa naghinobrang stocks sa imported nga bugas ngadto sa mga kabus sa tibuok nasud.
Sa usa ka media briefing sa Malacañang, si Presidential Spokesman Edwin Lacierda ni ingon nga si Agriculture Secretary Proceso Alcala makig-sulti sa Presidente kabahin sa rekomendasyon nga ipang-hatag ang mga bugas ngadto sa labing kabus nga mga lungsod pinaagi sa Department of Interior and Local Government kon DILG ug sa feeding program sa Department of Social Welfare and Development kon DSWD.
Matud pa ni Lacierda nga pangayuon ni Alcala ang pagtugot sa Presidente human sa meeting kauban nilang DILG Secretary Jesse Robredo, DSWD Secretary Corazon Soliman ug NFA Administrator Lito Banayo.
Ning sayo pa, si Banayo ni ingon nga nagumol na sila og guidelines sa pag apod-apod sa naghinobrang stocks sa NFA nga bugas sa DILG, nga interesado’ng mo baligya ug mo apod-apod ngadto ngadto sa labing kabus nga mga lungsod.
Ang DSWD usab interesado nga pangayuon ang maong mga NFA nga bugas alang sa ilang supplemental feeding program para sa mga malnourished nga kabataan. (PIA-Bohol)
