NDRRMC nangandam na sa pag-abot ni ‘Katring’
ANG mga opisyal sa National Disaster Risk Reduction and Management Council (NDRRMC)
nangandam na sa ilang mga contingency measures sa pag-abot sa usa na usab ka
posibleng bagyo nga ‘Katring’.
Sa usa ka radio interview, si NDRRMC executive director Benito Ramos ni ingon nga anaa
pa sila sa red alert status karon human sa pagbiya sa bagyong ‘Juan” ug nangandam sa
posibleng pag-abot ni ‘Katring’ sa mosunod nga mga adlaw.
Matud pa ni Ramos nga sa bagyong ‘Juan’, nakapangandam usab sila tungod sa padayong
pagpagawas og updates sa status niini sa Philippine Atmospheric, Geophysical and
Astronomical Services Administration (PAGASA) nga nakatabang usab og daku sa mga lokal
nga opisyal sa pagpangandam.
Kini usab nahimo tungod sa pagpalihok ni President Benigno Aquino III sa nagkalain-laing
ahensya sa kagamhanan sa pagpangandam sa pag-abot sa bagyong Juan.
Dugang pa ni Ramos nga gi alerto nila ang publiko 72 ka oras sa wala pa ni abot ang
bagyong Juan sa amihanang Luzon sayo ning semanaha. (PIA)
