Mayor Lim ug uban pa pasakaan ug kaso kalabut sa hostage crisis
MGA kasong administrative cases of misconduct in office ug simple neglect ubos sa Section 60 sa Local Government Code ang ipasaka batok ni Manila Mayor Alfredo Lim kalabut sa nahitabong hostage taking-crisis sa Quirino Grandstand niadtong Agosto 23.
Apil usab nga pasakaan og kaso silang P/Supt. Rodolfo Magtibay alang sa gross incompetence ug serious neglect of duty ug si P/Dir. Leocadio Santiago alang sa less grave neglect of duty.
Si P/Supt. Orlando Yebra, ang usa sa mga negosyador sa nahitabong hostage crisis pasakaan usab og kasong neglect of duty ug si Police Chief Inspector Santiago Pascual III pasakaan og kasong gross incompetence. Kining tanang mga kaso nabutang ubos sa Sec. 2, Rule 21 sa PNP Uniform Rules.
Ang pagpasaka og kaso batok sa ubang opisyal sa kapolisan ipadangat ngadto sa National Police Commission (Napolcom).
Si Deputy Ombudsman Emilio Gonzales III imbestigahan sa Office of the President tungod sa neglect of duty ug inefficiency in the performance of official duty.
Samtang sa kaso ni Ombudsman Merceditas Guttierez, ang IIRC Report nipadangat sa House of Representatives alang sa ilang aksyon niini. (PIA-Bohol)
