Rosales nay bag-ong Chairman sa CHRights
BAG-o na ang tsirman sa Commission on Human Rights.
Kini human itudlo ni Pres. Benigno S. Aquino si kanhi Akbayan Rep. Loretta Rosales aron mo-alagad isip stirman sa ahensya nga nag-una sa pagtagad sa tawhanong katungod batok sa pag-abuso sa militar, kapolisan, mga ahente sa estado.
Tutokan usab niya, matud sa mga taho ang pagpatambok sa mandu sa ahensya lakip na ang pagbag-o sa charter niini aron mapausab ang panglantaw sa komisyon ilabi na sa pagpatuman sa balaod batok sa torture ug sa international humanitarian laws.
Sa pagkatudlo ni Rosales, daghan usab nga militanteng bahan ang misaway tungod sa una niining pagdawit sa mga legal ug progresibong bahan sa kalihukang komunista.
Gipamulong usab ni Rosales kaniadto nga ang pagpamatay sa mga aktibista naha-apil na sa kalihukang paglimpyo sa mga hanay sa komunistang organisasyon.
Kahinumduman nga si Rosales biktima usab sa abuso panahon sa martial law, ug iyang gipangunahan ang pagpabayad sa mga nabiktima sa martial law.
Una na usab nga gipangulohan ni Rosales ang House committee on human rights. (PIABohol)
