P-Noy mihangyo og pagsabot sa dugang pletehan sa LRT, MRT

by | Jan 18, 2011 | Headlines, National News

MIHANGYO ang Palasyo nga angay sabton usab sa publiko ang gikinahanglang pagdugang sa pletehan sa LRT ug MRT.

Matud pa ni Deputy Presidential Spokesperson Abigail Valte sa media briefing niadtong Miyerkoles, dugay nang nadelatar ang fare hike sa MRT ug LRT ug niagi usab kini sa saktong proseso ug konsultasyon ang gikatakdang fare hike.

Si Valte niingon nga daku ang subsidy sa gobyerno sa MRT ug LRT ug kinahanglan na kining kuhaan aron magamit ang pondo sa ubang proyekto ug programa sa gobyerno nga mas daghan ang makabenepisyo.

Sa pagkakaron, ang mga commuters lamang sa LRT ug MRT ang nakapahimolos sa subsidy sa gobyerno ug apil ang dili commuters niini ang gi-abaga sa katawhan pinaagi sa ilang buwis.

Gawas pa niini, dugay nang angay magpatuman og dugang pletehan sa MRT ug LRT apan pila ka higayon na kining gibabagan.

Ang himoong pagsaka sa pletehan gamiton alang sa pagpalambo sa paghatag og serbisyo sa LRT ug MRT sama sa pagpalit og mga bag-ong tren. (ecbPIABohol)

Dugang pletehan sa LRT ug MRT gi aprubahan sa Palasyo

by | Jan 7, 2011 | Headlines, National News

GI aprubahan ni Presidente Aquino ang proposed fare hike sa Light Railways Transit (LRT)
ug Metro Railways Transit (MRT).

Matud pa ni Presidential Communications Development and Strategic Planning Sec. Ricky
Carandang, dili na makaya sa gobyerno nga gahinan pa og subsidiya ang LRT ug MRT.

Sa pagkakaron, mokabat sa P7 hangtud P8 bilyon ang subsidy sa gobyerno sa mga
pasahero sa LRT ug MRT.

Wala hinuon gisulti ni Carandang kun pila na ang mahimong bag-ong pletehan sa LRT ug
MRT tungod kay ang DOTC na ang mopahayag niini sa mosunod nga mga adlaw.

Ddugang pa usab ni Carandang nga nanita og ubang opsyon ang gobyerno aron dili mabug-
atan ang mga motorista sa ipatuman nga toll hike sa mga expressways. (ecb/PIABohol)