by anyajulia | Aug 28, 2008 | Headlines, National News
TUNGOD sa mga kasinatian sa Britanya ug Sweden sa pagpakigsabot sa mga rebeldeng bahan, gilantaw sa malakantang karon nga mangayo ug tabang gikan sa international community aron itisok ug balik ang liso sa kalinaw sa Mindanao.
Kini gibutyag ni Presidente Gloria Macapagal Arroyo samtang napakita na ang mas dinaliang panginahanglan sa pagtapos na sa kagubot sa Mindanao.
Matud sa Presidente, si Tony Blair andam motabang human sa iyang dako nga parte sa pakigsabot tali sa mga rebelde sa Northern Ireland.
Sa laing bahin ang Sweden kasamtangang nakig-alayon sa nasud sa pagpatahan sa mga armas, pagkapanaug sa mga rebelde ug sa pagpahiuli sa mga kominidad nga nagun-ob sa armadong panagbangi. (rachiu/PIA)
by anyajulia | Aug 28, 2008 | Headlines, National News
Mopadayon gihapon ang negosasyon tali sa kalinaw sa Mindanao, bisan og magsige ang opensiba sa militar aron sa paggukod sa duha ka mga lider sa MILF. Kini mao ang gibutyag ni Executive Secretary Eduardo Ermita.
Matud pa ni Kalihim Ermita, ang direktiba ni Presidente Gloria Macapagal-Arroyo sa paghimo og opensiba, aron lang mapasiguro nga luwas ang mga katawhan sa kagubot ug arong mapadali ang paghatag og serbisyo ug tabang didto.
Ang istoryahay sa kalinaw ipatuman sa kagamhanan apan kini mahitabo lamang kon aduna nay kalinaw ug makab-ot ang hustisya sa mga lugar sa Mindanao nga naapektuhan sa kagubot.
Kon kini masinati na, ang negosasyon sa kalinaw mopadayon, dugang ni Ermita. (PIA/Bohol)
by anyajulia | Aug 20, 2008 | Headlines, National News
GIMANDU ni Presidente Gloria Macapagal Arroyo ngadto sa kasundalohan ug kapolisan sa Mindanao nga panalipdan ang matag pulgada sa teritoryo sa nasud nga gilarawng ilogon sa mga rebeldeng Moro Islamic Liberation Front.
Sa iyang pakigpulong alang sa lipot nga pag-atake sa MILF sa Lanao del Norte, gibugtaw ni Arroyo ang mandu dungan sa pagpaseguro nga ikapahiuli na ang kalinaw ug kaugmaran sa Mindanao.
Matud niya, ang pa-budhi nga pag-atake sa MILF dili lamang supak sa kasabutan sa ceasefire apan hagit usab sa tibuok katawhang nangandoy nga ipatagamtam na ang kalinaw ug kaugmaran sa Mindanao.
Gipasalig usab ni Presidente Arroyo nga panalipdan sa kagamhanan ang matag Pilipino gikan sa bisan kinsa nga bahan nga magsakmit sa kalinaw ug kahusay dili lamang sa Mindanao kon dili lakip na usab sa tibuok nasud. (rachiu/PIA)
