Hingpit na ang seguridad sa pagbisita ni Clinton sa Pinas
ANDAM na ang pwersa sa National Capital Regional Police Office (NCRPO) sa paghatag og
seguridad alang sa pagbisita ni kanhi US President Bill Clinton sa nasud ugma.
Matud pa ni NCRPO director Chief Supt. Nicanor Bartolome nga nakipag-tambayayong na
sila sa US Embassy alang sa gikinahanglang seguridad alang ni Clinton ug sa mga kauban
niini.
Maabot sa nasud si Clinton ugma (Miyerkules) diin mohatag kini og “lecture” nga giulohan og
“Embracing Our Common Humanity” didto sa Manila Hotel.
Si Bartolome ni ingon nga apil sa preparasyon ang pagpakatap sa mga “intelligence police”
sa venue ug mga tawo sa bisinidad sa Manila Hotel. Mohatag usab sila og seguridad sa
mga ruta nga agi-an ni Clinton samtang ipakatap usab ang mga K-9 units sa venue batok sa
bomba.
Magpabilin usab nga anaa sa full alert status ang tibuok Metro Manila nga gipaabot nga
mulanat hangtud na sa pagsulod sa Kapaskuhan sa Disyembre. (PIA)
