by magnolia_eic | Jan 31, 2011 | Headlines, Local News / Bohol Balita
GIBASURA sa government panel ang kondisyon sa National Democratic Front (NDF) nga buhian una ilang nasikop nga lider sa dili pa sugdan ang pormal nga negosasyon sa peace talks sa umaabot nga Pebrero.
Matud pa ni Presidential Peace Adviser Teresita Deles, gibarugan sa government panel ang una niining pahayag nga wala sa listahan sa mga consultants sa NDF ang nasikop nga NPA leader nga si Tirso Alcantara alyas Ka Bart, dili pa lang dugay sa Lucena City.
Si Sec. Deles niingon nga wala sa listahan sa mga consultants sa NDF si Alcantara mao nga dili kini sakop sa immunity gikan sa pagka-aresto.
Gikatakdang sugdan ang formal peace talks tali sa GRP ug NDF sa Oslo, Norway sa Pebrero 15-21. (ecbPIABohol)
by anyajulia | Nov 14, 2008 | Headlines, National News
WALAY gahum sa pag-demanda si Senador Jamby Madrigal ug ang mga rebeldeng komunista sa ngadto sa kagamhanan.
Kini maoy gipasabot ni Executive Secretary Eduardo Ermita, agi’g reaksyon sa mga demanda sa National Democratic Front (NDF) pinaagi ni Madrigal agi ug pasiunang kondisyones sa pagpabalik sa panagsabot sa kalinaw tali sa kagamhanan ug mga rebelde.
Gidemanda sa NDF ang pagpa-tangtang kang Kalihim Hermogenes Esperon isip nasudnong tigtambag sa kagamhanan ug ang pagpawala sa angga sa mga rebelde nga mga terorista.
Hinuon, wal usay gahum ang Pilipinas sa pagpapas sa anggang terorista kay mugna kini sa international nga komunidad.
Sumpay ni Ermita, may katungod si Madrigal isip hepe sa Senate Committee on Peace, Unification and Reconciliation, apan ang iyang kasabutang mahipno uban sa NDF, dili ikapamugos sa Presidente.
Panapos ni Ermita, padayon pang napahimutang ang proseso sa kalinaw ug temporaryo lang nabitay aron mapahimutang ang mga kasabutan sa dili pa ipadayon ang hisgutay.
Lakip sa buot mahipno sa kagamhanan mao ang unang kasabutang kabahain sa Joint Agreement on Safety and Immunities Guarantee (JASIG) nga kanunay usab nga gilapas sa mga rebelde. (rachiu/PIA)
