Mga Bol-anon nabalaka sa pag-os-os sa Choco Hills, sa 7 wonders search
NABALAKA ang mga Bol-anon sa hinay nga pagkanaug sa Chocolate Hills gikan sa ika tulo ngadto na sa ila napulo, sa global search alang sa bag-ong seven wonders of the world.
Sa taas nga panahon, nagpabilin nga anaa sa sulod sa ika-lima nga lugar sa mga nominado sa pito ka bag-ong wonders of the world ang Chocolate Hills nga Makita sa Carmen, Batuan ug Sagbayan sa Bohol.
Apan ning bag-ohay lamang, namatikdang ang Chocolate Hills midaos-os ngadto na sa ika napulo, kini’y butang nga gikabalaka sa mga Bol-anon.
Una na nga nawagtang ang Chocolate Hills sa listahan sa 7 ka wonders, apan nahibalik kini human gipaningkamotan sa mga Bol-anon sa gawas sa Bohol nga mabalik sa listahan sa mga nominado.
Kaban sa Chocolate Hills isip mga entry sa Pilipinas mao ang Tubbataha Reefs sa Timog Kasadpan sa Palawan, ang Underground River sa Palawan ug ang Mayon Volcano sa Albay.
Hinuon, ang pagbotar alang sa Chocolate Hills ug niining mga entry sa Pilipinas padayon pa hangtud sa Disyembre 31 ning tuig. (rachiu/PIA)
