Bag-ong banknotes ilusad sa BSP sunod buwan
ANG Bangko Sentral ng Pilipinas (BSP) molusad sa bag-ong banknotes nga adunay
gidugang nga design ug security features sunod buwan.
Matud pa ni BSP corporate affairs director Fe de la Cruz, ang mga security features niini mas
lisod ug mas mahal alang sa mga tigpameke nga kopyahon tungod kay ang publiko dali nang
makabantay sa kalahian sa peke ug sa tinuod nga salapi.
Dugang pa ni De la Cruz nga ang bag-ong design, sama sa 500 bill, aduna nay hulagway
sa kanhi Presidente Corazon Aquino kauban ang iyang bana nga si kanhi Senador Benigno
Aquino Jr. – ang mga ginikanan sa atong Presidente karon nga si Noynoy Aquino.
Ang mga daang salapi, magpabilin gihapong legal tender hangtud wagtangon kini sa
mosunod nga tulo hangtud upat ka tuig.
Samtang gi aghat ni De la Cruz ang publiko sa paggamit sa mga sinsilyo kay ang paggamit
niini makatabang sa pagdaginot sa BSP og P15 milyones ug mopasaka sa dividends nga
ihatag ngadto sa Treasury Bureau.
Adunay 17 ka bilyon nga sinsilyo nga nagbalor og P17 bilyones ang tigpagawas sa BSP
matag-tuig og gi aghat ni De la Cruz ang mga konsumedor sa pagpangayo sa igsaktong sukli
gikan sa mga tindahan og sa dili pagdawat sa kendi isip sukli. (PIA)
