by magnolia_eic | Mar 2, 2011 | Headlines, National News
GISEGURO nila House Speaker Feliciano Belmonte Jr. ug Senate President Juan Ponce Enrile
kang Presidente Benigno Aquino III nga sulod sa Mayo ug Hunyo ning tuiga, mapalabang nila
ang katunga sa 23 priority bills sa Malacañang.
Matud pa nilang Speaker Belmonte ug Sen. Enrile, nahimong malampuson ang labing-unang
Legisla-tive-Executive Development Advisory Council (LEDAC) meeting nga gipatawag sa
Presidente.
Sigun pa ni Enrile, kini ang pinaka-malampuson nga LEDAC meeting nga iyang natambungan
tungod kay nakasentro ang mga prio-rity bills sa Malacañang sa halos tanang aspeto sa
gobyerno lakip ang ekonomiya ug seguridad sa nasud.
Si Belmonte nagtuo usab nga mapalabang sa Kongreso karong Mayo hangtud Hunyo ang
katunga sa maong mga priority measures ilabi na nga kadaghanan niini natuki na sa Kongreso.
Nagpasalamat usab si Presidente Aquino sa 2 ka Kapulungan sa Kongreso nga mainitong
gidawat sa Kongreso ang priority measures sa Palasyo dungan sa paniguro nga dalion kini nila’g
palabang.
Wala maapil sa priority measures ang Freedom of Information bill ug ang kontrobersyal nga
Reproductive Health bill.
Apan matud pa ni Presidential Spokesman Edwin Lacierda, gitun-an sa Palasyo nga i-apil ang
maong mga balaod-non sa mga priority measures. (ecbPIABohol)
by magnolia_eic | Feb 14, 2011 | Headlines, Local News / Bohol Balita, National News
KON may maghatag sa desisyon sa kasong gisang-at kabahin sa diskwalipikasyon ni kanhi Kalihim sa
Agricultura nga si Arthur Yap, kini dili na ang Commission on Elections.
Kini ang unod sa desisyon nga giluwatan sa COMELEC sa pagdason niini sa unang desisyon sa
pagbasura sa diskwalipikasyon nga gipasaka batok ni Yap sa pundok nga PAMALAKAYA.
Matud sa Comelec sa iyang bag-ong desisyon, naproklama na si Yap ug tungod niini, wala lay
hurisdiksyon ang Comelec sa kaso kaya buhaton na kini sa Electoral Tribunal sa Ubos Balay
Balaoranan.
Kahinumduman nga mipasaka ug motion for reconsideration and Pamalakaya sa desisyon sa Comelec
apan naapsan kini sa pagprokamar ni Yap isip representante sa ikatulong Distrito sa Bohol.
Gitumbok sa Comelec ang Section 17, Article VI sa 1987 Constitution nga naglatid nga ang senado ug
Kongreso nga Electoral tribunal na ang modesisyon sa mga kaso o reklamo batok sa mga sakop niini
ilabi na sa mga hisgutanan kabahin sa eleksyon ug diskwalipikasyon niini. (racPIABohol)
by magnolia_eic | Jan 31, 2011 | Headlines, National News
GIPASAKA sa mga kongresista nga himoong heinous crime ang carnapping ug silotan ang mga mapamatud-ang sad-an nga mabilanggo sa tibuok nilang kinabuhi nunot sa sunud-sunod nga pagdagit ug pagpatay sa mga car dealers.
Matud pa ni Quezon City Rep. Winnie Castelo nga angayan lamang nga mohimo og lakang ang Kongreso sa mga “pressing societal concerns” nga nagbutang sa publiko sa kakuyaw.
Nagtuo usab si BUhay Rep. Irwin Tieng, kinsa usa ka suod nga higala sa gipatay nga car dealer nga si Venson Evangelista nga angayan lamang nga tas-an ang silot batok sa mga carnaper.
Si Tieng nagkanayon nga nagka-ngilngig na gyud ang mga insidente sa carjacking ning panahona ug dili lamang ang mga sakyanan ang mawala apan apil na usab ang kinabuhi sa mga car dealers.
Sapagkakaron, ang carnapping bailable ug ang mapamatud-ang sad-an niini mabilanggo lamang og walo hangtud 30 ka tuig. (ecbPIABohol)
by magnolia_eic | Oct 17, 2010 | Headlines, Health and Medicine, National News
USA ka balaodnon ang giduso ni Bataan Representative Herminia Roman nga nagtinguhang ilibre sa mga tambalanan sa gobyerno ang tanang mga government teachers nga may 20 ka tuig na sa serbisyo.
Si Roman, kinsa mao ang chairperson sa House committee on veteran affairs, niingon nga giduso niya ang House Bill 230 aron matabangan ang mga magtutudlo sa gobyerno sa panahong masakit sila apan kinahanglang aduna na sila’y 20 ka tuig sa serbisyo.
“They are truly deserving of this incentives by reason of dedication and time they spent in educating our youth and contributing to the nation’s development,” matud pa ni Roman.
Gilatid sa maong balaoron nga ang tanang retired public school teachers hatagan og libreng hospitalization benefits sa tanang tambalanan sa kagamhanan. (PIA-Bohol)
