by magnolia_eic | Mar 31, 2011 | Headlines, National News
NAKITAAN og radioactive substance ang hangin sa Pilipinas bisan wala nausab ang
direksyon sa hangin sa Japan.
Matud pa ni Philippine Atmospheric, Geophysical and Astronomical Services Administration
(PAGASA) Senior Weather Specialist Niño Relos, niabot na ang radioactive susbtance sa
Pilipinas tungod sa weather system sa nagkalain-laing nasud.
Niingon si Relos nga ang hangin nga may radioactive substance gikan sa Japan, gidala
padung sa direksyon sa China ug gikan didto, naapektuhan kini sa weather system diin ang
hangin nagtuyok gikan sa high pressure area (HPA) padung sa low pressure area (LPA).
Giingong ang maong sistema ang nakaingon nga napadpad sa Pilipinas ang gagmay nga
traces sa radioactive substance gikan sa Japan.
Gitataw usab ni Philippine Nuclear Research Institute (PNRI) Executive Director Alumanda
dela Rosa nga ubos kaayo ang level sa contamination ug wala kini bisan-unsang dautang
epekto sa palibot bisan sa tawo o bisan sa mananap.
Bisan pa niini, nitambag si Relos nga dili una maligo sa uwan ilabi na ang mga taga-Metro
Manila dili tungod sa radioactive substance kun di tungod sa polusyon nga mahimong
magresulta sa acid rain.
Gipulong usab dayon sa National Disaster Risk Reduction and Management Council
(NDRRMC) ang nagkalain-laing ahensya sa gobyerno sama sa Department of Trade and
Industry (DTI), National Food Authority (NFA) ug Department of Environment and Natural
Resources (DENR) aron mahibaw-an kun unsang preparasyon ang gihimo nila kun mosaka
ang level sa kontaminasyon sa radioactive substance sa nasud. (ecbPIABohol)
by magnolia_eic | Mar 24, 2011 | Headlines, National News
PADAYON ang pagmonitor sa Department of Science and Technology-Philippine Nuclear Research Institute
(DOST-PNRI) sa sitwasyon sa mga pantang nukleyar sa Fukushima-Daiichi.
Matud sa bulletin Number 10 niini, ang recovery operations nagpadayon samtang may mga dyutang
kalampusan na nga natala lakip na ang pagbalik sa grid power sa Units 1, 2, 5, ug 6.
Tungod niing, gikahadlokang pag-ipsot sa dinaghang radioactive material nga makadaut na sa tawo gikan sa
planta nagkahanap.
Gani, gilaraw na sa Japan nga pugngan na ang pag-kaon sa nga lagutmon gikan sa upat ka lugar nga
haduol sa mga planta. Ang mga produkto gikan sa Ibaraki, Gunma, Tochigi, ug Fukushima bisan pag ang
namatikdang radiation levels dinhi ning mga lugara dili makadaut sa tawo, pagadid-an pa.
Nagpadayon usab ang mga tigum dinhi sa nasud tali sa mga ahensya sa kagamhanan pinangulohan sa Food
and Drug Administration (FDA), DOST, PNRI, National Dairy Authority (NDA), Bureau of Plant Industry (BPI),
ug ang Bureau of Fisheries and Aquatic Resources (BFAR) aron tuki-on ang kahadlok nga may mosulod nga
imported nga pagkaon gikan sa Japan.
May nataud na nga portal monitors sa Pantalan sa Manila aron matan-aw ang mga mosulod nga container
vans kon may radioactive materials bang dala. (racPIABohol)
by magnolia_eic | Mar 16, 2011 | Headlines, National News
NAGNEGATIBO sa radiation ang hangin sa Pilipinas base sa pinaka-ulahing pagsusi sa
Philippine Nuclear Research Institute (PNRI).
Alas 9:00 ganinang buntag (Martes) sa dihang gisugdan pagsusi sa grupo ni PNRI Senior
Researcher Lorna Jean Palad gamit ang gamadose rate meter sa hangin sa palibot sa PNRI
compound sa Commonwealth Avenue, Quezon City.
Gipahayag ni Palad nga kaniadto, ka-usa lamang kada semana kun magpahigayon sila sa
radiation test apan tungod sa nahitabong pagbuto sa nuclear reactors sa Fukushima Daiichi
Nuclear Power Plant sa Japan, kada-adlaw na nila kini gihimo.
Matud pa ni Palad nga kalima ginahimo ang pagsusi sa lima ka PNRI compound matag duha
ka oras sugod 9:00 sa buntag hangtud alas 5:00 sa hapon ug ika-10 kini gibalik-balik aron
makasiguro sa resulta.
Samtang bisan una nang giingong walay basihan ang kahadlok nga moabot sa Pilipinas ang
radioactive leak gikan sa Japan, gisiguro sa Department of Science and Technology (DOST)
nga nangandam gihapon ang Pilipinas kun mahitabo kini.
Matud pa ni DOST Secretary Mario Montejo, may mga pamaagi sila aron matumbok kun ang
mga produktong gikan sa Japan adunay traces sa radioactive materials.
Giingong gihimo na nila kini niadtong mibuto ang Chernobyl Power Plant sa Russia ug mao
usab kini ang ilang himuon kun mahitabo usab kini sa Japan.
Bisan pa niini, gibalik ni Montejo nga gamay ra kaayo ang posibilidad nga maigo sa
radioactive materials ang Pilipinas tungod kay gawas nga dili padung sa Pilipinas ang
direksiyon sa hangin gikan sa Japan, hanap usab maadto sa kabaybayonan sa Pilipinas kun
makontamina ang kadagatan sa Japan tungod kay ang direksyon sa bawod palayo man sa
Pilipinas. (ecbPIA-Bohol)
by magnolia_eic | Mar 16, 2011 | Headlines, National News
PRESIDENT Aquino ordered government agencies on Monday to review and come up with a
comprehensive assessment of the country’s disaster preparedness.
Aquino met officials of the Philippine Nuclear Research Institute, Department of Science
and Technology, Department of Health, Department of Budget and Management, National
Security Council, Presidential Management Staff and the Office of the Executive Secretary.
Presidential Communications Secretary Ricky Carandang said Aquino ordered a review of
the country’s disaster-preparedness particularly for earthquake and tsunami.
“He’s going to get a briefing from officers of the defense probably, most likely this week – just
to review the status of all of these disaster-preparedness in light of what’s happening,” he
said.
Carandang said the government was focused on the immediate safety concerns as well as
the nuclear crisis in Japan. (PIA)
