Pagbakwit sa Bulusan gisugdan na
NIABOT na sa 205 ka tawo nga nagpuyo sa palibut sa Bulusan Volcano sa Casiguran,
Sorsogon ang nibakwit tungod sa padayon nga pag-alburuto niini og sa posibleng pagboto sa
bulkan.
Matud pa ni Benito Ramos, nga 27 ka pamilya kon 170 ka tawo gikan sa Barangay
Inlagadian ang temporaryong anaa karon sa Escuala Elementary School.
Pito ka pamilya o 25 ka tawo gikan sa Barangay San Juan ang nibakwit usab sa San Juan
Elementary School. Unom ka lungsod nga may 70 ka barangay ang posibleng maapektuhan
kon padayong moboto ang bulkan. Apil na niini ang lungsod sa Juban, Irosin, Casiguran,
Gubat, Barcelona ug Bulusan.
Nagpabilin pa sa Alert level 1 ang status sa palibot sa Bulusan volcano ug padayon usab
nga gi monitor ang pagbuga niini og init nga aso gikan sa crater.
Niadtong Lunes, natala ang pagbuga og ash fall sa summit crater sa Bulusan mga alas- 6:45
sa buntag diin may gitas-on kini nga 700 metro gikan sa baba sa bulkan. Kasamtangang
gitala usab ang 28 ka paglinog sa bulkan sulod sa 24 oras, matud pa sa opisyal. (PIA)
