by magnolia_eic | Feb 10, 2012 | Headlines, National News
TAGBILARAN CITY, Bohol, Feb. 9 (PIA)–Dili angay mokumpiyansa ang mga residente nga nagpuyo layo sa mga fault line sa nasud.
Kini matud pa ni Philippine Institute of Volcanology and Seismology (Phivolcs) Director Renato Solidum sa usa ka radio interview.
Pasabot ni Solidum, bisan ang mga lugar nga layo sa fault line mahimo pa gihapon maigo sa linog.
Niadtong tuig 1990, naigo sa magnitude 5.0 nga linog ang Baguio City diin gatosan ang nangamatay bisan layo kini sa epicenter sa linog nga naa sa Nueva Ecija.
Bisan ang nahitabo sa Legaspi City sa Albay niining Pebrero 6 lamang nga adunay natalang intensity 3 nga aftershock bisan layo na kini sa Negros Oriental.
Matud pa ni Solidum, normal kini nga sitwasyon tungod kay apektado ang tanang plates sa yuta kun adunay dakung pagtay-og bisan dili duol ang mga lugar.
Gi-aghat usab ni Solidum ang gobyerno sa pagpangandam sa bisan unsang matang sa kalamidad ilabi na sa linog tungod kay walay nakahibalo o makatag-an sa pag-abot niini.
Gipasabot sa Phivolcs nga wala sila nanghadlok sa katawhan apan gusto lamang nila nga andam kanunay ang tanan sa tanang panahon. (PIA-Bohol/ecb)
by magnolia_eic | Feb 9, 2012 | Headlines, National News
TAGBILARAN CITY, Bohol, Feb. 7 (PIA)–Miabot na sa Negros Oriental ang team sa Philippine Institute of Volcanology and Seismology (Phivolcs) nga mohimo og pagtuon sa nahitabong magnitude 6.9 nga linog gahapon.
Matud pa ni Phivolcs Deputy Director Bartolome Bautista sa usa ka radio interview, napulo pa ka mga kawani sa ilang ahensya ang nagpaingon karon sa Negros nga gilangkuban sa mga geologist ug engineers.
Mopahigayon una og information drive ang Phivolcs team aron mapakalma ang mga residente sa nahimong epekto sa linog ug sa gipagawas nga tsunami alert.
Sunod niini, ang pagpahigayon og scientific investigation sama sa pagdokumento sa gidak-on sa epekto sa linog ug pagtuon sa fault.
Una nang gipahayag ni Bautista nga unmapped fault ang tinubdan sa linog o bag-ong faultline nga wala pa naapil sa gihimong fault mapping sa Phivolcs.
Gibutyag ni Bautista nga tuig 1948 pa katapusang nakasinati og kusog nga linog ang Negros ug Panay nga adunay kusog nga magnitude 8.2 apan dili kini ang fault nga milihok gahapon.
(PIA-Bohol/ecb)
by magnolia_eic | Nov 24, 2010 | Headlines, National News
NIBUGA sa usad og abo ang bulkang Bulusan sa probinsiya sa Sorsogon nga niabot sa duha ka kilometro ang pinakataas sulod sa duha ka semana.
Matud pa sa Philippine Institute of Volcanology and Seismology (Phivolcs), alas 7:22 Lunes sa buntag sa dihang nipagawas og abo ang bulkan.
Bisan nagpakita og senyales sa pagka-aktibo ang bulkan, wala paman daw angay ikaalarma ang mga katawhan didto tungod kay wala pa gihapon sila’y nakit-ang senyales sa kusog nga pagboto niini.
Pero matud pa sa Phivolcs, posibleng masundan pa ang maong pagboto mao nga gisugdan na sa lokal nga kagamhanan ang pagbakwit sa mga 500 ka pamilya sa ubang barangay sa lungsod sa Irosin nga naapektuhan sa ash fall.
Partikular nga gipaubos sa voluntary evacuation ang mga residente sa mga barangay Gulos ug Cogon nga sakop sa 6km extended danger zone. Temporaryo silang gipahimutang sa evacuation center sa ilang tunghaan sa Brgy. Irosin
Nagpadayon pa ang evacuation sa lungsod sa Ubany sa Brgy. Puting Sapa gamit ang military truck nga prayoridad ang mga bata. Gisugdan na usab ang pagpanghatag og relief goods sa mga evacuees. (PIA)
by magnolia_eic | Jul 30, 2010 | National News
Manila, Philippines — A moderate earthquake has struck the Mindoro Island Friday morning around 150 kilometers south of Metro Manila.
The quake was measured at 4.6 by the Philippine Institute of Volcanology and Seismology (Phivolcs). It occurred at 8:22 a.m., with the epicenter estimated at 24 kilometers southeast of Mamburao, Mindoro Occidental.
Click here for full article from Inquirer
by Misael | May 14, 2008 | Headlines
DILI tinuod ang gipakatap nga text message nga may linog nga mahitabo sa Pilipinas karong gabii.
Kini maoy pahayag ni Philippine Seismology and Volcanology (PhiVolcs) Director Renato Solidum sa usa ka pinirmahang pamahayag nga gibasa sa local nga tinugyanan dinhi sa Bohol.
Una na nga mipadayag si Engr. Eucil Talisic sa local nga PhiVolcs nga may mga nadawat sila nga text messages nga may linog nga 6.8 magnitude ang moigo sa mga plates sa Pilipinas karong gabii.
Kini mga text una nga namatikdang gipakatap human sa 7.9 magnitude nga linug nga miigo sa Tsina sa miaging mga adlaw.
Dungan sa paghimakak ning text message, si Solidum miingon nga hangtud karon, wala pay organisasyon o buhatan sa tibuok kalibutan nga makahimo ug ingon niana ka tukma nga tagna sa linog.
Mahimo nga may linog nga mahitabo apan kon kini magtakin ug gikusgon sa magnitude scale, kadudahan kini kay wala pa gyuy tukmang himan nga una nga makatagna niini, matud sa PhiVolcs.
Ang text message nga gipakatap nagdala usab sa ngalang Hawaii Sate Emergency Preparedness Office og sa US Geological Society.
Matud sa PhiVolcs nga may ahensyang US Geological Survey apan kini walay gahum nga mohatag og ingon niana nga warning gawas sa teritoryo sa US.
Tungd niini, ang PhiVolcs miawhag hinuon sa katawhan nga magpabiling andam sa bisan unsa nga katalagman nga mahidangat sama nga ang pagpangandam ilabi na sa linog mao pay labing maayong lakang subay niini. (rachiu/PIA)
