by magnolia_eic | Jul 9, 2010 | Headlines, National News
GITUDLO ni President Benigno Aquino III niadtong Miyerkoles si retired Air Force Major General Jose Angel Honrado isip bag-ong general manager sa Manila International Airport Authority kon MIAA.
Parte si Honrado sa Presidential Security Group sa dihang presidente pa ang inahan ni P-Noy nga si Corazon Aquino.
Gi kompirma usab ni Aquino nga gi konsidera niya si Quezon City police chief Magtanggol Gatdula nga mangulo bisan hain sa National Bureau of Investigation o sa Philippine Drug Enforcement Agency.
Matud pa ni Aquino nga si kanhi Armed Forces chief Nestor Ochoa hatagan usab og ambassadorial post sa nasud sa Asya sa iyang pagretiro. Si kanhi president Arroyo nitudlo kang Ochoa isip AFP chief sa dihang ni retiro si Gen. Delfin Bangit. Si Ochoa gihulipan usab ni Lt. Gen. Ricardo David sa pagdawat sa pangagamhanan ni Aquino. (PIA-Bohol)
by magnolia_eic | Jul 7, 2010 | Local News / Bohol Balita
USA ka radio commentator ang gipusil-patay niadtong Sabado sa gabii sa probinsya sa Kalinga, ang unang tigbalita nga gipatay sa lima pa ka adlaw nga Aquino administration.
Si Jose Daguio, 75 anyos, gipusil samtang nanihapon kini sa iyang panimalay sa Barangay Tuga sa lungsod sa Tabuk mga alas 8 sa gabii matud pa sa taho sa kapolisan. Napusilan si Daguio sa tuo nga bahin sa iyang lawas ug gidala kini dayon sa Kalinga Provincial Hospital, apan gi deklara nga dead on arrival.
Si Daguio kanhi reporter-commentator sa Radyo Natin Tabuk ug part-time columnist sa usa ka community newspaper, matud pa sa municipal police.
Ang Tabuk Police investigator nga si Jose Candelario nagkanayon nga sa pagkakaron, wala pa silay nakitang motibo sa pagpatay kay matud pa sa pamily ni Daguio nga wala silay mahinumdoman nga pagpang-hulga sa kinabuhi sa tigbalita. Apan wala isalikway sa kapolisan ang posibilidad nga ang pagpatay adunay kalabotan sa trabaho sa tigbalita tungod kay usa man kini ka beteranong radio announcer.
Si Daguio ang unang media nga gipatay ubos sa usa pa ka semana nga administrasyon ni President Benigno Aquino III, kinsa gi pressure sa mga grupo sa local ug international media sa pag undang sa media killings ug pagpadali sa imbestigasyon sa labaw sa 100 ka gipamatay nga tigbalita ubos sa siyam ka tuig sa administrasyong Arroyo. (PIA-Bohol)
