by magnolia_eic | Oct 29, 2010 | Headlines, National News
BUOT ni Presidente Benigno Simeon Aquino nga pa-imbesigahan aron ilhon ang hinungdan sa
pagkalangan sa pagpang-apud-apod sa mga kagamitan sa piliay.
Kini samtang gipangayo na usab sa mga tigpanday og balaod ang pag-imbestigar aron mahibaw-an
kon dii ang pagkalangan nga miresulta sa grabeng pagka-hasol sa mga botante.
Sa Bohol, gilakbitan ni Election Supervisor Eliseo Labaria ang pagkalangan sa pagkahuman sa
pagpatik sa mga balota nga maoy hinungdan sa suliran.
Sa laing bahin, gibutyag sa Malakanyang pinaagi ni Sonny Coloma sa Presidential Communications
Operations nga nahuman sa kagamhanan ang pagpatik sa mga balota ug galamiton sa piliay tulo ka
adlaw sa wala pa ang eleksyon.
Ang National Printing Office, nga sakop sa buhatan ni Coloma maoy nagpatik sa mga balota.
(PIABohol)
by magnolia_eic | Oct 21, 2010 | Headlines
WALA matarug si Presidente Benigno Simeon Aquino sa iyang baruganan nga hilibisan ang pahat alang sa mga tunghaan sa kagamhanan (state universities ug colleges) tungod kay matud niya, duna pa silay daghang kakuhaan ug kita aron ikapuno sa tabang sa kagamhanan.
Segun sa mga taho, ang budget alang sa edukasyon sa sunod tuig naa na sa P271.67 bilyobes o 12.92 % nga taas pa kay sa pagat sa edukasyon ning tuiga nga anaa ra sa P240 bilyones.
Niini, gipahat ang P23.4 bilyones alang sa SUC, o 11.3% nga mas dako pa sa P21 bilyones ning tuiga.
Butyag usab ni Presidente Aquino nga ang sugyot nga pahat sa University of the Philippines gilaslasan ngadto sa P5.5 bilyones gikan sa P6.9 bilyones ning tuiga dala sa pagtuo nga makasapi ang tunghaan sa matrikula ug uban pang bayranan.
Dugang ni Aquino, dili lamang magtutok ang kagamhanan sa college education tungod kay buot sa iyang administrasyon nga makahatag og batakang edukasyon alang sa tanan. (PIA)
