DTI, magpagawas og desisyon ugma kalabot sa hangyo nga pagpasaka sa presyo sa pan
UGMA mopagawas og desisyon ang Department of Trade and Industry (DTI) kalabot sa hangyo sa pipila ka panaderya nga sakaan ang presyo sa pan. Matud pa ni Trade and Industry Undersecretary Zenaida Maglaya nga gitun-an pa nila ang hangyo nga dugang-presyo apan giingong dili sila magduha-duha nga aprubahan kini kun gikinahanglan gayud. Giangkon usab ni Maglaya nga nisaka ang presyo sa trigo sa world market mao nga mihangyo ang mga panaderya nga sakaan ang presyo.
Mahinumdoman nga gianunsyo na sa Philippine Baking Group nga sakaan og piso angpresyo sa ilang mga pan nga gibaligya sa mga supermarket ug panaderya sa sunod semana. Samtang miingon usab ang Philippine Federation of Bakers nga adunay gagmay nga mgabakery nga nagpasaka na og presyo sa ilang loaf bread. (PIA-Bohol/ecb)
