Ganti, pasidungog sa rabies Itunol atul sa Health Summit
ITUNOL na sa Bohol Rabies Prevention and Eradication Council (BRPEC) ang mga pasidungog ug ganti ngadto sa mga mananaug sa labing maayo nga Bantay Rabies sa Barangay ug Municipal Rabies Councils atul sa usa ka kalihukan sa Huwebes adto sa Bohol Tropics.
Dungan sa pagsaulog sa Provincial Health Summit, itunol sa mga tinugyanan sa BRPEC ang Governor’s Awards nga naglakip sa ganting salapi ug pasidungog gadto sa nga barangay ug lungosd sa Bohol nga may labing mayo nga programa batok sa rabies.
Ang pag-ganti sa mga local nga kagamhanan nga mipatuman sa programa batok sa rabies maoy inisyatiba sa konseho nga nagpadagan sa tumong nga himoon ang lalawigan sa Bohol nga luwas sa gikaintapang rabies.
Gikan sa usa sa labing gikahadlokang dapit sa Pilipinas tungod sa pagdagsang sa rabies dala sa pinaakan sa mananap, ang Bohol mipadagan sa programa nga naglutos sa rabies sukad pa sa tuig 2008.
