EO alang sa fuel subsidy, gipagawas na sa Malakanyang
GIPAGAWAS na sa Malakanyang ang Executive Order (EO) No. 32 o Public Transport
Assistance Program nga maghatag og fuel subsidy sa mga pampasaherong jeep ug tricycle
tungod sa walay hunong nga pagsaka sa presyo sa produktong petrolyo.
Gi-anunsyo ni Presidential Communications Group Secretary Ricky Carandang nga
nagkantidad og P450 milyon nga maong subsidy gikan sa gobyerno.
Bisan pa niini, miingon si Carandang nga dili pa apil sa Pantawid-Pasada Program ang
ayuda alang sa mga mangingisda ug mag-uuma.
Giingong wala pa gituki ang long term solution batok sa padayong pagsaka sa presyo sa
lana.
Gipasa na usab sa Malakanyang sa Department of Energy (DOE) ang pagkuwenta sa
diskwento sa kada litro sa petrolyo. (ecbPIABohol)
