MANILA, November 3 (PIA)–Magpatuman og top-to-bottom lifestyle check si Department of Finance (DOF) Kalihim Carlos Dominguez sa mga ahensiyang sakop sa iyang buhatan ilabi na sa Bureau of Customs (BoC).
Sa gipahigayong pulong balitaan sa Malakanyang kagahapon, partikular nga ipalili ni Dominguez ang bank accounts sa mga kawani sa BoC.
Giingong kinahanglan usab masusi ang mga balay, sakyanan ug uban pang kabtangan sa mga kawani sa maong ahensiya.
Dugang pa ni Dominguez nga sa legislative agenda nga ilang giduso, gusto unta nilang ipatangtang ang privacy provisions nga nahisulod sa bank secrecy law.
Kini aron magbaton og otoridad ang gobyerno nga masusi ang bank records sa mga indibidwal nga gidudahang adunay gihimong anomaliya o nalambigit sa korapsiyon kauban na ang tax evasion.
Tuyo sa ilang ahensiya nga masumpo ang korapsiyon sa gobyerno apil na ang mga hiwing kawani sa gobyerno. (ecb/PIA7-Bohol)
