Total deployment ban sa Yemen,
gibalik og patuman sa gobyerno
MANILA, Oct. 16 (PIA)–Gibalik og patuman sa gobyerno ang total deployment ban sa mga Overseas Filipino Worker sa Yemen tungod sa nagka-grabeng kagubot sa maong nasud.
Sa gipagawas nga Philippine Overseas Employment Administration (POEA) Governor Board resolution 27-2014, gihunong una ang pagpadala sa mga bag-ong hire nga OFW ug bawal usab ang pag-adto sa Yemen sa mga nibalik nga Filipino Workers hangtud dili pa magmalinawon ang tension didto.
Niadtong Pebrero, gitugtan ang mga Pinoy sa pagbalik sa maong Arab Country tungod kay gibutang sa Level 2 na lamang ang crisis alert. Apan niadtong Oktubre 2, gisaka na usab sa Department of Foreign Affairs (DFA) sa level 3 mao nga gibalik pag-rekomendar ang total deployment ban tungod sa bag-ong tensyon.
Matud pa sa DFA, nagpabiling kuyaw ang security situations sa Yemen tungod kay kontrolado pa gihapon sa mga rebeldeng grupo ang pipila ka pasilidad sa maong nasud. (ecb/PIA7-Bohol)