KON sundon ang pagtuon sa Philippine Institute of Development Studies (PIDS), pudyot lang ang pangurakot nga nakaingon nga wala matagamtam sa nasud ang kinatibuk-ang kita sa pamuhis.
Matud sa pagtuon ni Rosario Manasan sa PIDS, ang pagkapakyas sa pagfile sa tax returns o bisan sa cedula, pagpaborot sa deductions ug makalibog nga balaod sa pamuhis mas dako pag nasayang kay sa pangurakot.
Hinuon, dugang niya, may kalabutan usab ang Bank Secrecy Law, penalidad ug ang pangurakot mismo sa Bureau of Internal Revenue nga misamot nga dili malubos ang pagkolekta sa buhis.
Tungod niining pagtuon, milutaw nga dili ang kagamhanan ang labing dakong buslot sa pamuhis kon dili ang tax evasion sa mga negosyante.
Migawas nga sa pagtuon ni Manasan, sa matag 100 ka magbubuhis, anaa sa average nga 53% lang ang buhis nga makolekta dalan na sa tataw nga pagmanipula aron malustan ang dagkong buhisan. (PIA)
