UNSA may dagway sa Tax Evasion?
Matud sa pagtuon, kasagaran nga tax evasion naglakip sa pagpagamay sa ibutyag nga kita sa kompanya, paborot nga pagbutyag sa gasto o expenses o ang paggamit sa ginamagama nga resibo.
Dugang pa sa Philippine Institute of Development Studies, ang pagtiinir ug duha ka cash books, ang ginamagama nga entries sa libro, paghimog transaksyones pinaagi sa dummies ug dili pagtala sa halin nianang adlawa matang usab sa tax evasion.
Laing paagi usab paglingla sa buhisan mao ang paglikay sa pagbayad sa tukmang buhisan.
Segun sa mga eksperto, kini nagkalip sa legal nga pagdeklara sa kompanya sa kalihukang ekonomikanhon aron kubsan ang buhisan sama sa pagbalhin sa planta sa lugar nga mas barato ang buhisan o ang pagmanipula sa buhisan aron kolektahon kini sa taas nga panahon ug hinungdang alkanse ang kagamhanan sa revenues.
Hinuon, perehas ra ang epekto niining duha, makadaut sa ekonomiya kay kapun-an man ang kita sa magbubuhis, apan mawad-ag revenues ang kagamhanan ug maghikaw sa kahinguhaan alang sa mga proyekto niini. (PIA)
