DUOLAN sa $ 1.5 bilyones nga Overseas Filipino (OF) remittances ang natala sa Hunyo 2009 maoy nakapalig-on sa panagna nga ang mosulod nga kwarta sa nasud taas pa gihapon bisan sa nagkahinay nga ekonomiya sa kalibutan.
Butyag sa Bangko Sentral ng Pilipinas (BSP). Kini nga pagtaas mitubo ug 3.3% kon itandi sa nakuha sa samang panahon sa miaging tuig.
Kini usab nakapa-ugpot sa inflows sa unang unom ka buwan nagdto na sa $8.5 bilyones.
Matud ni BSP Governor Amando Tetangco, ang padayong bul-og sa inflows gikan sa taas nga panginahanglan sa highly skilled professional workers nga gitanyag sa mga nasud sa gawas.
Kasagaran niini, dugang niya, gikan sa US, Canada, Saudi Arabia, UK, Japan, Singapore, UAE, Italy ug Germany. (PIA)
