by aimee | Feb 26, 2013 | Headlines
TAGBILARAN CITY, Bohol, Feb. 26 (PIA)–Magbutang ang Commission on Elections (Comelec) og courtesy lane alang sa mga may kakulian sa panglawas o persons with disabilities (PWD) sa adlaw sa eleksyon.
Matud pa ni Comelec Chairman Sixto Brillantes nga kinahanglang magparehistro sa Comelec ang mga botanteng PWD aron maka-avail sa courtesy lane nga pagabuksan sa ground floor sa mga voting center.
Dili na usab kinahanglan pang mo-linya ang mga PWD aron mobotar.
Kining maong lakang gihimo agig pagtamod sa paglagda ni Presidente Benigno “Noynoy” Aquino III sa balaod nga nagmando sa paghatag og accessibility sa mga PWD sa panahon sa eleksyon.
Si Brillantes nagkanayon nga may resolusyon na sila aron ipatuman kini. (PIA-Bohol/ecb/i-gg)
CHED, nipasidaan sa mga tunghaan kalabot sa field trips
TAGBILARAN CITY, Bohol, Feb. 26 (PIA)–Nipasidaan ang Commission on Higher Education (CHED) batok sa mga eskwelahang pugson ang mga estudyante nga mokuyog sa field trip.
Kini human sa reklamo sa usa ka namatyan sa aksidente sa Tuba, Benguet nga giingong gipugos lang ang iyang asawang nagtungha sa kolehiyo nga mokuyog sa field trip sa Baguio.
Matud pa ni CHED Executive Director Atty. Jun Vitriolo, dili mandatory ang field trip mao nga dili angay pugson ang mga estudyante nga mokuyog niini.
Kun mopahigayan man gani og field trips, bawal usab moadto sa mga lagyong lugar.
Dugang pa ni Vitriolo, “responsibilidad ng paaralan ang safety ng mga estudyante.”
Sa pagkakaron, nimugna na og grupo ang CHED nga motutok sa nahitabong aksidente.
Samtang usa ka magbabalaod usab ang nanawagan sa mga pamunuan sa mga tunghaan nga i-ban na ang pagpugos sa field trip ilabi na sa mga lagyong lugar alang sa kaluwasan sa mga estudyante ug aron dili na usab mogasto pa ang mga ginikanan.
Si Rep. Pedro Romualdo (Lone District, Camiguin) nanawagan niini sa Department of Education (DepEd) ug CHED human sa nahitabong aksidente sa Tuba, Benguet niadtong Huwebes. (PIA-Bohol/ecb/i-hd)
by aimee | Feb 26, 2013 | Headlines, National News
TAGBILARAN CITY, Bohol, Feb. 26 (PIA)–Gipagawas na kagahapon sa Malakanyang ang natukod nga Transition Commission (TransCom) nga mosulat sa Bangsamoro Basic Law.
Base sa Executive Order No. 120, s. 2013, ang TransCom gilangkoban sa 15 ka miyembro diin pito ang gibutang ni Presidente Benigno “Noynoy” Aquino III sa panig sa gobyerno samtang walo sa Moro Islamic Liberation Front (MILF).
Apil sa miyembro sa Government of the Philippines (GPH) sila Hon. Akmad A. Sakkam; Hon. Johaira C. Wahab; Hon. Talib A. Benito; Hon. Asani S. Tammang; Hon. Pedrito A. Eisma; Hon. Froilyn T. Mendoza ug Hon. Fatmawati T. Salapuddin.
Samtang apil usab sa mga napili sa MILF sila Hon. Mohagher Iqbal nga maoy mobarug isip chairman; Hon. Robert M. Alonto; Hon. Abdulla U. Camlian; Hon. Ibrahim D. Ali; Hon. Raissa H. Jajurie; Hon. Melanio U. Ulama; Hon. Hussein P. Munoz ug Hon. Said M. Shiek.
Matud pa ni Presidential Spokesman Edwin Lacierda, ang appointees sa GPH ni-agi sa makuti nga screening ug evaluation sa TransCom Selection Body nga gilangkoban nilang Justice Secretary Leila M. de Lima, Presidential Adviser on the Peace Process Teresita Quintos-Deles ug ang Secretary of the National Commission on Muslim Filipinos nga si Mehol K. Sadain.
“The Selection Body agreed on the following qualification requirements for each appointee: a Bangsamoro, a track record in support of the peace process, and established probity, untainted by any charge or suspicion of corruption or abuse of power, among others,” matud pa ni Lacierda.
P100 milyon ang inisyal nga budget sa gobyerno alang sa pagtukod sa Bangsamoro Basic Law nga iduso sa Kongreso.
Dungan sa pag-anunsyo sa TransCom ang pagsugod sa ika-36 nga round sa peace talks sa Malaysia tali sa GPH-MILF peace panels. (PIA-Bohol/ecb/i-sjp)
by aimee | Feb 25, 2013 | National News
PRESIDENT Benigno S. Aquino III signed into law the Human Rights Victims Reparation and Recognition Act of 2013 in ceremonies marking the 27th Anniversary of the EDSA People Power held at the EDSA People Power Monument in Quezon City on Monday.
In his speech, the President said the new law recognizes the heroism and sacrifices of Filipinos who were victims of summary execution, torture, enforced or involuntary disappearance and other gross human rights violations committed during the regime of former President Ferdinand Marcos from September 21, 1972 to February 25, 1986.
Under the new law, human rights victims and their heirs are entitled to monetary compensation to be sourced from the P10-billion transferred to the Philippines as adjudged by the Swiss Federal Supreme Court on December 10, 1997 and non-monetary compensation to be provided by the Departments of Social Welfare and Development, Education, CHED and TESDA and other government agencies. (PCOO)
Malacanang bares members of Transition Commission
PRESIDENT Benigno S. Aquino III has appointed the 15 members of the Transition Commission that is tasked to draft the Bangsamoro Basic Law.
Presidential spokesperson Edwin Lacierda made the announcement at a press briefing in Malacanang on Monday.
On the part of the Government of the Philippines panel, the seven appointees are: Hon. Akmad A. Sakkam, Hon. Johaira C. Wahab, Hon. Talib A. Benito, Hon. Asani S. Tammang, Hon. Pedrito A. Eisma, Hon. Froilyn T. Mendoza, and Hon. Fatmawati T. Salapuddin.
Those selected by the Moro Islamic Liberation Front (MILF) are: Hon. Mohagher Iqbal, who is the chairman of the Transition Commission; Hon. Robert M. Alonto, Hon. Abdulla U. Camlian, Hon. Ibrahim D. Ali, Hon. Raissa H. Jajurie, Hon. Melanio U. Ulama, Hon. Hussein P. Munoz and Hon. Said M. Shiek.
Pursuant to Executive Order 120 series of 2013, the Transition Commission is composed of 15 members; seven to be chosen by the President and eight, including the chairman, selected by the Moro Islamic Liberation Front (MILF).
According to Lacierda, the seven appointees of the government panel underwent thorough screening and evaluation by a Transition Commission Selection Body composed of Justice Secretary Leila de Lima, Presidential Adviser on the Peace Process Teresita Quintos-Deles, and the Secretary of the National Commission on Muslim Filipinos Mehol Sadain.
Among the qualification requirements considered by the body for each appointee include: a Bangsamoro, a track record in support of the peace process, established probity, and untainted by any charge or suspicion of corruption or abuse of power.
Lacierda said the transition commission has an initial budget allocation of P100 million. (PCOO)
by aimee | Feb 25, 2013 | Headlines, National News
TAGBILARAN CITY, Bohol, Feb. 25 (PIA)–Gikumpirmar sa Department of Foreign Affairs (DFA) nga may barko nang gipadala aron mopahigayon og “humanitarian mission” aron kuhaon ang mga Pinoy nga tua sa Lahad Datu sa Sabah, Malaysia.
Matud pa ni DFA spokesman Raul Hernandez, gipahibalo na nila ang gobyerno sa Malaysia sa maong lakang sa Pilipinas aron kuhaon ang mga Pinoy ilabi na ang mga kababayen-an, bata ug ang napabalita nga kapin 20 ka mga armado.
Gigamit sa gobyerno ang Navy ship nga AT 296 nga gikan sa Bongao, Tawi-Tawi nga mo-diretso sa Tanduo, Lahad Datu.
Katuyuan sa maong misyon nga maluwas ang mga sibilyan sa posibleng mahitabo kun magkagubot man didto.
Giingong i-posisyon ang barko sa baybayon sa Lahad Datu samtang gipahigayon ang negosasyon.
Sakay sa maong barko ang pipila ka Filipino-Muslim leaders, social worker ug medical personnel.
Apil sa humanitarian mission ang pagpadala og barko human makadawat og report nga may lima ka babaye ug pipila ka sibilyan ang nagpabilin sa Lahad Datu.
Gi-aghat sa DFA ang mga Pinoy nga tua didto nga mosakay na sa barko aron makabalik na sila sa ilang panimalay samtang gi-plantsa pa sa DFA ang isyu sa pag-angkon sa mga Moro sa giingong parte sa Sultanate sa Sulu. (PIA-Bohol/ecb/sjp)
by aimee | Feb 25, 2013 | National News
TAGBILARAN CITY, Bohol, Feb. 25 (PIA)–Gilagdaan na ni Presidente Benigno “Noynoy” Aquino III ang gipaabot nga Human Rights Victims Reparation and Recognition Act of 2013.
Kini ang nahimong highlight sa selebrasyon sa 27th EDSA People Power Revolution sa People Power Monument, Quezon City.
Gitambongan sa kapin 100 ka biktima sa Martial Law nga giapilan sa kanhi human rights victim ug karon Commission on Human Rights (CHR) Chairperson Etta Rosales ang paglagda sa bag-ong balaod.
Ubos sa maong balaod, gamiton ang P10 bilyong pondo gikan sa giingong gikawat nga bahandi sa mga Marcos isip pangbayad sa mga biktima. Nakapatik usab sa balaod ang pagtukod og Human Rights Violations Victims’ Memorial Commission.
Gawas pa niini, isip pag-ila sa ilang mga kasinatian, itudlo na usab sa mga eskwelahan ang mga pagpanglapas ug pag-abusong natala batok sa tawhanong katungod sa mga human rights victims niadtong diktaduryang Marcos.
Gisugdan ang ika-27 nga anibersaryo sa EDSA People Power Revolution karong adlawa pinaagi sa usa ka flag-raising ceremony nga gipangunahan ni Presidente Aquino ganinang alas-7:50 sa buntag.
Gitambongan kini sa mga gi-ilang personalidad sa People Power Revolution niadtong Pebrero 25, 1986. (PIA-Bohol/ecb/i-hd)
BIR, nagsugod nag-monitor sa campaign spending
TAGBILARAN CITY, Bohol, Feb. 25 (PIA)–Katambayayong na karon sa Commission on Elections (Comelec) ang Bureau of Internal Revenue (BIR) sa pagmonitor sa mga gastos sa kampanya sa mga politiko.
Kini human nipagawas ang BIR og memorandum circular nga nag-obligar sa mga national ug local candidates apil na ang ilang political parties nga mo-sumiter og mga resibo sa matag kontribusyon nga ilang madawat.
Lahi usab kini sa ipadala sa BIR nga mga nagastos sa kinatibuk-ang panahon nga 90 ka adlaw nga kampanya.
Matud pa ni BIR Commissioner Kim Henares, unahon nilang imbestigahan ang mga dili mosunod sa memorandum circular, samtang ipahigayon dayon nila ang pag-review sa mga mo-sumiter og report.
Nagtuo si Henares nga pinaagi niini, masakpan nila ang mga molapas sa campaign spending rule sa Comelec. (PIA-Bohol/ecb/i-gg)
