MANILA, July 7 (PIA)–Milagda karong adlawa sa usa ka Memorandum of Agreement ang Department of Health (DOH) pinaagi sa National Center for Mental Health sa Natasha Goulbourn Foundation alang pagmugna sa “Hopeline Project”.
Matud pa ni DOH Kalihim Paulyn Jean Rosell-Ubial, kining hopeline usa ka phone-based counseling service nga available sulod sa 24/7 alang sa mga indibidwal nga nakasinati og depresyon.
Gidugang pa sa Kalihim nga nag-unang hinungdan sa pagbukas sa Hopeline mao ang pagkabutang sa ikatulong dapit sa mental health sa gitawag nga ‘triple burden disease’.
Matud pa nga napasagdan ang mental health hinungdan nga gi-una kini karon sa administrasyon ni Presidente Rodrigo Duterte.
Giseguro ni Ubial nga mga professional ug gibansay ang mga counselor nga modawat og tawag sulod sa 24 oras.
Gawas niini, gipasalig sa Kalihim nga libre alang sa mga kabos ang serbisyo nga ihatag sa mga mental health facilities diin nila i-refer ang mga pasyente.
Magsugod ang operasyon sa Hopeline sa Setyembre ning tuig diin mahimong motawag sa mga mosunod nga numero: 02-804-HOPE (4673), 0917-558-HOPE(4673) ug 2919 nga toll free number alang sa mga globe ug TM subscribers.
Sa pagkakaron, adunay Hopeline sa Sugbo nga gidumala sa tulo ka counselors sulod sa 24 oras. (ecb/PIA7-Bohol)
