BOHOL, Mar. 30 (PIA)–Gitay-og og magnitude 4.7 nga linog ang lalawigan sa Bohol karong Lunes sa buntag.
Natala sa Philippine Institute of Volcanology and Seismology (Phivolcs) ang sentro sa linog sa walo ka kilometro sa habagatang sidlakan sa Buenavista, Bohol sa alas 9:47 sa buntag.
May gilawmon nga tulo ka kilometro ang linog nga tectonic ang gigikanan.
Nabati ang Intensity 5 sa lungsod sa San Miguel, samtang Intensity 4 usab sa Lapu-Lapu City sa Cebu ug sa Buenavista.
Intensity 3 usab ang nabati sa syudad sa Tagbilaran sa Bohol, Iloilo City, Bogo City sa Cebu, ug Bacolod City, samtang Intensity 1 sa President Roxas, Capiz.
Wala hinuo`y nataho nga naangol sa maong linog, samtang wala usab gipaabot nga aftershocks ang Phivolcs. (ecb/PIA7-Bohol)
