‘Anti-corruption transparency network’, gipalig-on sa mga nasud sa Asia-Pacific
MANILA, Nov. 11(PIA)–Gipalig-on kagahapon sa mga nasud sa Asia-Pacific region ang pagmugna og usa ka ‘anti-corruption transparency network’.
Tuyo niining mapalig-on ang pagtinabangay niini sa paggugod sa mga corrupt nga opisyal sa gobyerno ug pagrekober sa assets niini.
Ang APEC Network of Anti-Corruption Authorities and Law Enforcement Agencies gilagdaan sa 21 ka miyembrong nasud, sa pagpanguna sa China ug Estados Unidos.
Pinaagi niini, paspas nga mapakatap ang “information sharing” sa tanang mga anti-corruption ug law enforcement authorities sa rehiyon.
Apil na usab sa kasabotan ang pagpakusog sa “extradition, mutual legal assistance and the recovery and return of proceeds of corruption” tali sa mga nasud. (ecb/PIA7-Bohol)
