MANILA, Feb. 4, 2014 (PIA)–Sugod ugma, Pebrero 5, mahimo nang mopuyo sa New Zealand ang mga Pinoy aron magtuon, mosuroy o di kaha mo-trabaho sulod sa usa ka tuig.
Kini human magkauyon ang Pilipinas ug New Zealand sa pagpatuman sa working holiday scheme (WHS) nga visa.
Ubos sa maong scheme, mahatagan usab ang mga New Zealanders og kahigayonan nga magpabilin sa Pilipinas.
Mahimong mo-apply sa WHS visa ang mga Pinoy ug New Zealanders nga may edad 18-anyos hangtud 30-anyos.
Apan 100 ka WHS visa lamang matag tuig ang gihatag nga quota alang sa mga palaran nga mga Pinoy ug New Zealander applicants.
Ang mga interesadong aplikante dinhi sa Pilipinas mahimong makig-alayon sa Embassy of New Zealand sa Makati pinaagi sa http://www.nzembassy.com/philippines samtang kadtong gikan sa New Zealand ngadto sa Embassy of the Philippines in Wellington pinaagi sa http://www.philembassy.org.nz/ o e-click lamang kining maong link nga www.immigration.govt.NZ alang sa mga requirements ug uban pang mahinungdanong detalye kalabot sa WHS Arrangement. (PIA7-Bohol/ECB)
