by admin | Sep 30, 2016 | Headlines, Local News / Bohol Balita
TAGBILARAN CITY, September 30 (PIA)–Nagplano karon ang presidente sa League of Municipalities (LMP) sa Bohol sa pagpaubos sa drug test sa tanang mayor ning lalawigan.
Si Clarin Mayor Allen Piezas, ang LMP President sa Bohol atol sa pakighinabi sa usa ka lokal nga estasyon sa radyo dinhi miingon nga iya unang konsultahon ang ubang miyembro sa organisasyon kalabot sa gitanyag nga lakang sa sunod nga panagtapok nila sa Oktubre.
Matud pa ni Piezas, kining lakang agi og pagpakita sa mga local chief executives sa ilang suporta sa kampanya sa administrasyon ni Presidente Rodrigo Duterte sa pagbatok niini sa ilegal nga droga.
Niadtong Hulyo 27, 2016, human gipangulohan ang labing una niyang National Security Council meeting, si Presidente Duterte nanawagan sa mga local government officials sa pagsuporta sa iyang kampanya batok sa ilegal nga droga.
Ang pagpaubos usab sa drug testing sa mga mayor sa kalungsoran ug syudad, maghatag og maayong ehemplo alang sa ilang mga konstituwente.
Sukad gilusad ang gihingosgang kampanya sa nasodnong kagamhanan batok sa ilegal nga droga, ang mga mayor sa Balilihan, Dauis ug Panglao boluntaryong mipaubos sa drug testing ug namapatud-ang negatibo sa bisan unsang drug traces.
Ang mga mayor sa probinsiya ang mga nangulo sa Municipal Peace and Order Council ug Municipal Anti-Drug Abuse Council sa ilang mga nagkadaiyang lungsod.
Ang maong mga organisasyon ang nag-atiman sa kahusay ug kalinaw sa matag lungsod ug kampanya sa mga munisipalidad batok sa krimen ug mga aktibidad sa ilegal nga droga. (ecb/PIA7-Bohol)
by admin | Sep 30, 2016 | Headlines, National News
The Department of Trade and Industry (DTI) will launch the Mentor ME (Micro Entrepreneur) Program, a free business seminar consisting of a series of mentoring sessions for existing and budding entrepreneurs, in Central Visayas on October 7 at the Waterfront Cebu City Hotel.
The ‘Mentor Me’ program, a pilot project jointly developed by DTI and the Philippine Center for Entrepreneurship (PCE), will have its regional pilot run in Cebu.
The aim of the program is for MSMEs to scale up their business through the weekly theoretical, conceptual discussions and mentoring sessions by experienced entrepreneurs, and seasoned business lecturers on the different functional areas of entrepreneurship. The Mentor ME Program is divided into two phases and will run for 12 weeks.
DTI 7 Assistant Regional Director Nelia Navarro said that the mentors are experienced entrepreneurs and seasoned business lecturers who have the heart to share their wisdom and formula for success to existing and budding entrepreneurs. “Beyond the books and seminars, our mentees will be inspired to listen to experiences of these entrepreneurs and will gain valuable learnings from the mentors,” she emphasized.
Dir. Navarro underscored the significance of the Go Negosyo Act in bringing assistance to the micro, small and medium enterprises (MSME) to become more competitive as this sector comprise 99.7% of the registered businesses and is the backbone of the country’s economy.
The agency also underscored the importance of the program to equip the local MSMEs with the needed skills sets, the right mindset, and business know-how to ultimately scale up and sustain their enterprise.
Navarro cited that the department has provided capability enhancement seminars, shared service facilities, marketing assistance and has linked with non-government organizations to help enterprises achieve competitive advantage through capability building and the introduction of green practices into their business operations.
For more information on the Mentor Me Program, interested parties may contact Mark Cabagnot of DTI Cebu at telephone nos. 255-6971, 255-3926, 412-1944, 412-1945.
The PCE, a non-stock, non-profit organization that advocates the ‘Go Negosyo’ mindset and attitude, believes that the Filipinos can address poverty by engaging in entrepreneurship.#
by admin | Sep 29, 2016 | Headlines, National News
MANILA, September 29 (PIA)–Gilibkas na ang deployment ban sa mga Overseas Filipino Workers (OFW) nga may balidong kontrata nga nagplanong mobalik og trabaho sa Libya.
Base kini sa gipagawas sa Philippine Overseas Employment Administration (POEA) Governing Board Resolution No. 16 nga naglibkas sa deployment ban sa mga mobalik nga OFW sa Libya human gipaubos ang Crisis Alert Level 4 ngadto na sa Alert Level 2 (restriction phase).
Kini nagpasabot nga tugotan lamang ang pag-deploy og balik sa Libya ang mga trabahanteng Pinoy nga adunay balidong kontrata diin kinahanglang isumiter sa mga nahisgotang OFW ang mga dokumentong gitakda sa Embahada sa Pilipinas sa Tripoli.
Ang maong mga dokumento mao ang kopya sa ilang kasamtangang kontrata; sertipikasyon sa suholan ug benepisyo sa OFW; sulat gikan sa ilang employer nga nihangyong pabalikon ang OFW; garantiya nga luwas ug adunay seguridad gikan sa sertipikasyon sa kompanya; medical ug life insurance coverage; ug garantiya nga dali silang mapapaule base sa gisumiteng contingency plan.
Apan matud pa ni Department of Labor and Employment (DOLE) Kalihim Silvestre Bello III nga mao usab ang pangulo sa POEA Governing Board, magpabilin pa gihapon ang deployment ban alang sa mga bag-ong OFWs hangtud walay gihatag nga pagtugot.
Gisuspenso sa POEA Governing Board ang pag-proseso ug pag-deploy sa mga OFW paingon sa Libya niadtong Mayo 30, 2014 tungod sa kagubot sa politika sa maong lugar.
Niadtong Hunyo 13, 2014, nagpagawas ang POEA Governing Board sa Resolution No. 9 diin may pipila ka skills categories sa trabahanteng Pinoy ang gitugotang i-proseso ug i-deploy pabalik sa Libya. Ug niadtong Hulyo 22, 2014, ang POEA pinaagi sa GBR No. 17 gidugangan ang skills category sa mga trabahanteng Pinoy nga gitugotang mobalik sa Libya.
Matud pa ni Bello nga niadtong Agosto 18, 2016, nipahigayon ang Department of Foreign Affairs (DFA) og pagbisita sa mga lugar sa Libya aron masayran ang kinatibuk-ang sitwasyon sa maong nasod. (ecb/PIA7-Bohol)
by admin | Sep 29, 2016 | Headlines, National News
MANILA, September 29 (PIA)–Gitun-an na sa Civil Service Commission (CSC) ug Department of Budget and Management (DBM) kun unsa ang himuon nilang lakang sa mokabat sa tunga ka milyong mga job orders sa nagkalain-laing lokal ug nasudnong buhatan sa gobyerno.
Matud pa ni Commissioner Alicia Dela Rosa sa CSC, gipa-update na nila ang mga nagkalain-laing ahensya sa gobyerno aron matino kun unsa kadugay ug ang nature sa usa ka job order.
Giseguro niini nga hangtud sa katapusan ning tuig, mahipno na nila kun unsa ang mahimong ihatag sa mga job orders o mga casual employees sa gobyerno.
Gitataw sa Commissioner nga mag-agad usab sa performance ug appointment sa usa ka job order mao nga magdugay sila sa usa ka buhatan sa gobyerno. (ecb/PIA7-Bohol)
by admin | Sep 29, 2016 | Headlines, Local News / Bohol Balita
TAGBILARAN CITY, September 29 (PIA)–Ang Maritime Industry Authority (MARINA) mopahigayon og mobile registration alang sa mga dili rehistradong mga bangkang demotor karong umaabot Oktubre 12 taman 14 sa barangay Danao, lunsod sa Panglao.
Atol sa Kapihan sa PIA kagahapon, gi-aghat ni Norma Enriquez sa MARINA-Bohol nga mga tag-iyahag bangka nga gigamit alang sa island-hopping lakip na sa dolphin watching sa pagparehistro sa ilang mga sakyanan sa dagat aron mahimong legal ang ilang operasyon.
Gidasig usab ni Enriquez ang mga local government units ilabi na sa lungsod sa Panglao sa pagtabang sa pagpakatap niining kasayoran aron mapa-rehistro na ang mga dili pa rehistradong mga bangka sa ilang lugar.
Gihingosgan karon sa Philippine Coast Guard (PCG) ang pagdakop sa mga dili rehistradong bangkang demotor human sa nahitabong aksidente sa Panglao diin usa ka turista ang namatay tungod kay naigo kini sa speedboat.
Nanawagan si PCG Tagbilaran Station Commander Benjie Quinisio sa publiko nga dili gayud mosakay sa mga kulurom nga mga bangkang demotor alang sa ilang kaluwasan.
Matud pa nga ang mga tag-iyahan usab sa mga bangkang demotor kinahanglang mokuha og insurance alang sa ilang mga pasahero sa dili pa tugotang mo-operate.
Pipila sa mga rekisitos nga gipangayo sa balaod nga subayon sa MARINA aron makahatag sa rehistro sa mga sakyanan sa dagat mao ang mga kagamitan sa pagluwas sa kinabuhi: life jackets o salbabida nga ingon kadaghan sa pasahero nga luwan sa sakayan, labing menos duha ka life rings, nabansay ug kwalipekadong kapitan ug rehistradong mga tripulante, ug ang labing lisud mao ang pagbaton og two-way radio alang sa komunikasyon.
Matud pa ni Quinisio, ang two way radio nga rekisitos, pagseguro nga mamonitor sa kapitan sa bangka ang bisan kinsang sakayan sa dagat nga anaa sa iyang duol.
Kon rehistrado ang bangka, mas sayon ang paghimo og pagluwan niini kon may kadaut nga mahitabo, samtang masulod usab sa insurance ang bangka, mga trabahante niini ug mga pasahero, butang nga mahimong dili kayahon sa tag-iya sa bangka kon pasagdan na lamang. (ecb/PIA7-Bohol)
