by admin | Aug 26, 2016 | Headlines, National News
MANILA, August 26 (PIA)–Sugod karong Setyembre 15, 2016, ipatuman na sa Philippine Overseas Employment Administration (POEA) ang online registration system alang sa mga seafarer.
Ang pagbag-o sa sistema tuyong mahatagan og paspas ug hapsay nga serbisyo ang mga overseas Filipino workers (OFWs).
Kini human gi-aprubahan sa POEA Governing Board ang Resolution No. 13 Series of 2016 nga magpatuman sa maong online registration.
Gimanduan sa maong resolusyon ang POEA nga alisdan ang Seafarers Registration Certificates (SRC) ngadto na sa online seafarers’ registration.
Ang online SRC system nahisubay sa direktiba ni Presidente Rodrigo Duterte sa tanang buhatan sa gobyerno nga tun-an og balik ang mga sistema aron malikayan ang duplikasyon sa buhat, wagtangon ang mga pila ug tarungon ang paghatag og serbisyo sa publiko.
Makapahimos sa online registry ang may 50,000 ka aplikante sa SRC matag tuig ug matangtang na ang tag-as nga pila sa mga buhatan sa POEA.
by admin | Aug 26, 2016 | Headlines, National News
MANILA, August 26 (PIA)–Nipahinumdom ang Department of Labor and Employment (DOLE) sa mga employers nga mosunod sa gitakdang balaod sa paghatag og holiday pay sa mga mamumuo sa pagsaulog sa Nationa¬l Heroes’ Day nga gi-deklarar isip national holiday.
Ang abiso gipagawas ni DOLE Kalihim Silvestre Bello III diin gi-deklarang regular holiday ang adlaw sa Agosto 29.
“Proper observance of the pay rules on regular holidays and special non-working days will lead to more productive and competent employees¬,” matud pa ni Bello.
Nakalatid sa balaod nga kun ang usa ka emple¬yado nga mosulod sa Agosto 29 sulod sa 8 ka oras angay makadawat og 200% nga suholan.
Kun ang empleyado dili mosulod sa maong adlaw, pagabayaran siya og 100 porsiyento sa iyang suholan sa maong adlaw kun [(Daily Rate + Cost of Living Allowance) x 100%].
Alang sa pagtrabaho nga molapas sa walo ka oras kun overtime work, angay siyang bayaran og dugang 30 porsiyento sa iyang inoras nga suholan kun (hourly rate of the basic daily wage x 200% x 130% x number of hours worked), sigun pa sa DOLE. (ecb/PIA7-Bohol)
by admin | Aug 25, 2016 | Headlines, Major Events, National News
MANILA, August 25 (PIA)–Dako ang posibilidad nga masumpo na ang illegal recruitment sa nasod human magpagawas og kamanduan ang Department of Labor and Employment (DOLE) sa paghatag og ganti sa bisan kinsang makatudlo o makatabang sa pag-aresto sa mga illegal recruiter.
Matud pa ni DOLE Kalihim Silvestre Bello, makadawat og P50,000 cash reward ang mga concerned citizen nga mosumbong kalabot sa panghitabo nga illegal recruitment nga mosangpot sa pagkadakop sa mga illegal recruiter.
Tuyo niining ma-aghat ang katawhan nga motabang sa mga awtoridad sa pagsumpo sa illegal recruitment.
Matud pa ni Bello, maggikan ang pondo nga ihatag isip ganti sa hugpong sa mga pribado nga lisensyadong recruitment agency.
Giingong mahimong sugdan sa publiko ang paghatag og kasayuran sa higayong magsugod na ang 24/7 hotline sa DOLE.
Ning bag-o lang, gi-anunsyo sa DOLE nga magbutang sila og 24/7 hotline call services sa mga sakop niining ahensya ug mga regional offices sa tibuok nasod. (ecb/PIA7-Bohol)
by admin | Aug 25, 2016 | Headlines, National News
MANILA, August 25 (PIA)–Hingpit nang ibawal ang pagduwa sa nisikat na karong reality based game application nga Pokemon Go sa tanang mga buhatan sa gobyerno.
Matud pa sa Civil Service Commission (CSC), wala gitugotan ang pagduwa og Pokemo Go sa oras sa trabaho ang mga kawani sa gobyerno aron dili maapektuhan ang pagserbisyo sa publiko.
Plano usab sa CSC nga padalhan og sulat ang developer sa maong game application nga tangtangon ang mga pokestops ug pokemon gym sa tanang mga buhatan sa gobyerno.
Ang Pokémon Go usa ka location-based augmented reality mobile game nga hinimo sa Niantec alang sa mga Android ug iOS devices.
Mogana kini pinaagi sa GPS nga maoy mo-detect kun asa ang nagduwa ug ang internet connection.
Ang mga pokestops mao ang mga lugar sa Pokemo Go nga mahimong makakuha og mga items sama sa Pokéballs, Lure, Incense, Revive, Potions ug Pokèmon Eggs.
Ang mga pokestops may koneksyon usab sa atong tinuod nga mga lugar sama sa usa ka makasaysayanong lugar o monumento sa nagkalain-laing lugar. (ecb/PIA7-Bohol)
by admin | Aug 25, 2016 | Headlines, Local News / Bohol Balita
TAGBILARAN CITY, August 25 (PIA)–Ang Department of Information and Communications Technology (DICT) kauban sa National Library ug sa Kagamhanang Probinsiyal sa Bohol nilusad kagahapon sa Tech4Ed center didto sa Bohol Provincial Library.
Ang Tech4Ed o Technology for Education and Development, usa ka major program sa DICT nga nagtinguha sa pagsangon sa information and communication technology (ICT) aron maghatag og katakos, magahom ug magtranspormar pinaagi sa basic digital literacy ug economic development.
Kining proyekto nagtinguha usab sa pagpalapad sa libreng serbisyo sa ICT sa daghan pang Pilipino nga maghatag kanila og patas nga oportunidad sa pagtuon ug pagpangemleyo.
Matud pa ni DICT Visayas Cluster Assistant Director Antonio Edward Padre, ang Bohol parte sa secong phase sa national connectivity program diin libreng wifi ang ipamutang sa mga plaza, national high schools, capitol ug municipal hall lobbies, public elementary schools nga may library ug mga pampublikong library.
668 ka access points sa tibuok nasod ang ilusad sa DICT alang sa unang phase sa national connectivity program.
Sa pagkakaron, ang lalawigan niduso alang sa Digital Bohol sa tinguha niining magbukas sa pultahan sa ICT sector ug ang Tech4Ed usa sa mga kalihokan nga nakitang magpatukpaw sa agenda sa Bohol.
Ang maong paglusad gitambungan sa National Library representative nga si Flordeliza Quiñones, acting Provincial Librarian Marciana Ballares, Gob. Edgar Chatto ug Bise Gob. Dionisio Balite. (ecb/PIA7-Bohol)
