by admin | Aug 25, 2016 | Headlines, National News
MANILA, August 25 (PIA)–Nipasidaan ang Commission on Elections (Comelec) sa mga botanteng magduwa sa nisikat na karong reality based game application nga Pokemon Go sa mga voting stations sa umaabot nga Barangay ug Sanguniang Kabataan elections sa Oktubre 31.
Gipahinumdom sa Comelec sa mga kabataan nga dili lamang ang pagkuha og hulagway sa balota ang gibawal, apan apil na usab ang pagpanakop og Pokemon sulod sa mga polling precint.
Una nang gibawal ang pagduwa sa Pokemon Go sa pipila ka lugar sa nasod.
Ang mga masakpang motorista usab nga nagduwa og Pokemon Go samtang nagmaneho, pahamtangan og silot. (ecb/PIA7-Bohol)
by admin | Aug 25, 2016 | Headlines, Tech Talk
The international technology conference Geeks on A Beach opened its sessions today, August 25, 2016 at the Bellevue Hotel Pavillion in Doljo, Panglao, Bohol. The unique thing of this conference is that everyone is encouraged to come in their beach attire.
The morning session started with the national anthem and Bohol hymn. The masters of ceremony are Dave Overton, CEO/Founder of Sym.ph and Albert Padin, Founder, Sym.ph. Ms. Tina Amper, founder of Techtalks.ph delivered the opening message. Mr. Mon Ibrahim, Innovation Consultant, of the new Department of Information and Communications Technology (DICT) spoke about the how the government is working with the community to empower startups to innovate.
Francis R. Oliva, Head Community Partnerships, PLDT SME Nation gave his insights as a corporate entrepreneur on adaptability in an ever-changing business landscape.
David Brown, Managing Director of Techstars, talked about Global Startup Phenomenon and its Impact on Emerging Countries. Brown emphasized that they are not trying to make another Silicon Valley but rather for communities to grow their own ecosystem.
The previous night, the participants went for networking dinner at the Muro-Ami resort.
Geeks on A Beach Participants during the opening program.
Mon Ibrahim, Innovation Consultant, Department of Information and Communications Technology (DICT) delivers addresses the participants at GOAB.
by admin | Aug 24, 2016 | Headlines, National News
MANILA, August 24 (PIA)–Kalinaw ug kahusay sa katilingban ang mahinongdanong pundasyon sa mga polisiyang pang-ekonomiya sa Pilipinas nga mao usab ang prayoridad sa administrasyon ni Presidente Rodrigo Duterte.
Matud pa ni National Economic and Development Authority (NEDA) Director-General ug Socioeconomic Planning Kalihim Ernesto Pernia, aron makab-ot ang paglambo sa ekonomiya, kinahanglan ang kalinaw ug kahusay ug pagsumpo sa kriminalidad, ilegal nga droga, smuggling, tax evasion ug uban pang ilegal nga buhat.
Pinaagi niini, mas daghan ang madaning mamuhonan sa nasod ug mas molambo pa ang atong ekonomiya.
Apan bisan pa sa pipila ka grupo sa Pilipinas ang nisaway sa kampanya sa Presidente batok sa ilegal nga droga, gipahayag ni Pernia atol sa usa ka press conference kagahapon sa Malakanyang nga mas daghan ang giingong uyon sa pagpadagan sa kasamtangang Presidente tungod sa pagkunhod sa crime rate.
Giingong wala usab angay ikahadlok ang mga banyagang nagplanong mobisita sa nasod basta mosunod lamang sa balaod sa Pilipinas.
Samtang apil usab sa mga prayoridad sa administrasyong Duterte aron mapabiling malambuon ang ekonomiya mao ang pagsulong sa mga infrastructure projects.
Gibutyag ni Pernia nga 10 ka proyekto nga nagkantidad og P320 bilyon ang aprubado na sa investment coordination committee. (ecb/PIA7-Bohol)
by admin | Aug 24, 2016 | Headlines, Local News / Bohol Balita
TAGBILARAN CITY, August 24 (PIA)–Magbutang ang Department of Labor and Employment (DOLE) sa mga sakop niining ahensya ug mga regional office og 24-7 hotline call services.
Kini ubos sa Administrative Order No. 409, series of 2016 nga gipagawas ni DOLE Kalihim Silvestre Bello III.
Tuyo sa maong hotline nga marespondehan dayon ang mga mamumuo nga nag-atubang og emergency situation, apil na ang mga nakasinati og dili patas nga pagpadagan sa trabaho.
Pinaagi usab sa maong hotline, matabangan ang mga biktima sa illegal recruitment ug human trafficking ug bisan ang mga mamumuo nga wala nabayran og saktong suholan ug benepisyo.
Sa higayon nga matukod na ang maong hotline, mahimo kining tawagan baynte kwatro oras matag adlaw ug pito ka adlaw matag semana.
Kining lakang sa DOLE parte sa kamanduan ni Presidente Rodrigo Duterte nga siguradohong mahatagan ang mga mamumuo og paspas nga serbisyo gikan sa gobyerno. (ecb/PIA7-Bohol)
by admin | Aug 24, 2016 | Headlines, Local News / Bohol Balita
TAGBILARAN CITY, August 24 (PIA)–Nanghakot og awards ang kapolisan sa Bohol atol sa ika-115 Police Service Anniversary nga gipahigayon didto sa Police Regional Office 7 sa Sugbo nga nagdala sa tema nga: “Hamon Ng Pagbabago, Pinagibayong Serbisyo.”
Usa sa highlight sa maong selebrasyon mao ang pagpanghatag og ganti ug pasidungog ngadto sa takos nga mga Philippine National Police (PNP) units ug personnel atol sa seremonya nga gipahigayon niadtong Agosto 22, 2016 didto sa Camp Sergio Osmeña, syudad sa Sugbo.
Alang sa unit awards, ang Bohol Police Provincial Office (BPPO) ang napiling Best Police Provincial Office; Tagbilaran City Police Station, ang Best Component City Police Station; ug Panglao Police Station isip Best Municipal Police Station.
Si PSupt Nicomedes Olaivar sa BPPO ang napiling Best Police Commissioned Officer for Operations samtang si SPO4 Yolando Bagotchay Jr. sa BPPO ang napiling Best Senior Police Non-Commissioned Officer alang sa individual awards.
Alang sa Project Double Barrel Top Performers, ang BPPO ang nakakuha sa unang pwesto isip Best in Project Tokhang (Provincial Police Office Category) nga gisundan sa Cebu Provincial Police Office (CPPO) ug Siquijor Police Provincial Office (SPPO).
Sa Best in House Visitation (Municipal Police Station Category), ang Batuan Police Station ang 1st place, Dimiao Police Station ang 2nd place ug Sikatuna Police Station ang 3rd place.
Ang Best in Project Tokhang (Municipal Police Station Category) nakuha sa Sikatuna Police Station isip 2nd place, samtang 3rd place usab ang Dimiao Police Station.
Ang maong tinuig nga selebrasyon nagtinguha sa pagdasig og community awareness ug kasalmotan, paghatag og pasidungog sa isig kaanib alang sa kaisog, dedikasyon ug sakripisyo sa kahimoan sa ilang katungdanan ug pagsaulog sa pagkamugna sa police service sa nasod. (ecb/PIA7-Bohol)
