by admin | Jun 17, 2016 | Headlines, National News
MANILA, June 17 (PIA)–Ipaubos sa Department of Interior and Local Government (DILG) sa basic orientation training program ang kinatibuk-ang 559 ka mga bag-ong gobernador, city ug municipal mayors sa tibuok nasod nga napili sa milabay nga eleksyon.
Matud pa ni DILG Kalihim Mel Senen Sarmiento nga ang ‘Basic Orientation: The First 100 Days,’ usa ka parte sa dugay nang Newly-elected Officials (NEO) nga programa sa DILG pinaagi sa ilang training arm nga Local Government Academy (LGA) alang sa mga bag-ong napili nga mga opisyal sa nasod.
Kining himuon nga pagbansay-bansay ipahigayon karong buwan sa Hunyo ug Hulyo 2016 isip pagtubag sa departamento sa panginahanglan sa mga bag-ong lokal nga mga lider isip ilang giya sa pagsugod sa ilang pagdumala.
Gipaabot usab sa DILG nga makumpleto sa mga bag-ong opisyal ang unang 100 days Calendar ug ang ilang development commitment agenda.
Lakip sa mga topic nga hisgotan mao ang governance and decentralization, Duties Responsibilities and Accountabilities of elected officials, strategic management, leadership, climate change and disaster management, local economic development, crisis management, and peace and order, ug uban pa. (ecb/PIA7-Bohol)
by admin | Jun 16, 2016 | Headlines, National News
MANILA, June 16 (PIA)–Subling gipahinumdoman sa Department of Labor and Employment (DOLE) ang mga Pilipinong gustong mo-trabaho sa ubang nasod sa pagpaubos sa mandatory online Pre-employment Orientation Seminar (PEOS Online) nga pangayuon sa Philippine Overseas Employment Administration (POEA).
Mahinungdanon nga mosunod niini ang mga overseas Filipino workers (OFWs) aron walay mahimong problema sa paggawas nila paingon sa ubang nasod.
“I enjoin all Filipino overseas work applicants to adhere to its mandatory PEOS Online policy issued by the POEA which took effect this month,” matud pa ni DOLE Kalihim Rosalinda Dimapilis Baldoz.
Gawas niini, magamit usab sa mga nangita or trabaho sa ubang nasod ang PEOS online aron matabangan nga makadesisyon kun ipadayon pa niini ang pagtrabaho sa ubang nasod o magpabilin na lamang sa nasod.
Gipasabot ni Baldoz nga gi-disenyo ang online PEOS aron batokan ang illegal recruitment ug human trafficking.
Ubos sa Memorandum Circular No. 2, Series of 2016 nga gipagawas sa POEA, gi-obligar ang tanang Filipinos nga gustong mo-trabaho sa ubang nasod sa unang higayon nga mopa-ubos ug kumpletohon ang PEOS Online seminar. (ecb/PIA7-Bohol)
by admin | Jun 16, 2016 | Headlines, Local News / Bohol Balita
TAGBILARAN CITY, June 16 (PIA)–Giduyogan sa kagamhanan sa Bohol, gipangandaman na karon sa Bohol Federation of Disabled Persons (BFDP) kauban ang nagkalain-laing ahensiya sa gobyerno ang kalihokan sa pag-obserba sa ika-38 nga National Disability Prevention and Rehabilitation (NDPR) Week gikan sa Hulyo 17 ngadto sa 23 ning tuig.
Sa meeting nga gipahigayon kagahapon nga gipangunahan ni BFDP president Mateo “Toting” Quilas, nauyonan nga ang kalihokan sa NDPR Week dinhi sa lalawigan sa Bohol buksan sa Hulyo 18 (Lunes) sa usa ka balaang misa sa alas 7:30 sa buntag sa St. Joseph Cathedral.
Human sa misa, isunod dayon ang motorcade gikan sa St. Joseph Cathedral paingon sa Bohol Cultural Center diin didto ipahigayon ang opening program.
Sa hapon, ipahigayon ang symposium diin naglaian-laing mamumulong ang dapiton nga motuki sa mga katungod sa mga persons with disability (PWDs).
Gitakdang magtigom og balik ang grupo alang sa dugang ug pinal nga mga kalihokan alang sa NDPR Week karong umaabot Hulyo 6 didto sa Conference Room sa Governor’s Mansion.
Nag-unang tumong sa kasaulogan ang dugang pagdasig sa pagpakabana sa publiko diha sa mga isyu sa mga PWD’s ug pag-abag nga madugangan ang ilang kahibalo kalabot sa ilang mga katungod.
Isaulog ang NDPR Week ning tuiga sa pagpanguna sa Commission on Human Rights (CHR) ubos sa tema nga: “Karapatan Ng May Kapansanan, Isakatuparan, Now Na!” (ecb/PIA7-Bohol)
by admin | Jun 14, 2016 | Headlines, Local News / Bohol Balita, Major Events
TAGBILARAN CITY, June 14 (PIA)–The Land Transport Franchising and Regulatory Board (LTFRB) regional office has warned drivers and operators of public utilities plying their trade here to give discounts to students primarily during school days.
LTFRB Assistant Regional Director Reynaldo Elnar in a radio interview here said that drivers of public utility vehicles (PUV) should grant the 20% student discount to all pre-school, elementary, secondary, vocational and technical students enrolled in duly recognized by the government.
Excluded from the 20% discount are those of dancing and driving schools, short term courses of seminar type, and post-graduate studies (medicine, law, masteral and doctoral degrees and other similar post graduate studies).
According to LTFRB Memorandum Circular (MC) No. 2011-004 the 20% student discount shall be effective only during school days.
The PUV operator shall not deprive passengers granted fare privileges and discounted fares with appropriate seats.
Students should present their valid school IDs to the PUV driver especially those enrolled in Saturday and Sunday classes.
Those who fail to grant the 20% discount will face a P2,000 penalty for the first offense.
Repeat offenders will have their unit impounded for 60 days and the operator will be fined P3,000.
Those who violate for the third time will be slapped a P5,000 fine, and have their Certificate of Public Convenience (CPC) cancelled. (ecb/PIA7-Bohol)
by admin | Jun 14, 2016 | Headlines, Local News / Bohol Balita, Major Events
TAGBILARAN CITY, June 14 (PIA)–Ang pamilya Garay gikan sa Barangay Can-upao sa lungsod sa Jagna ning lalawigan sa Bohol ang napiling mananaog sa 2016 Huwarang Pantawid Pamilya Bohol Provincial Search diin labaw sa 40 ka entries ang ilang gikabangga.
Si Vicente ug iyang asawa nga si Marissa wala nagdahom nga modaog tungod kay matud pa nila, ila lamang gipa-ambit ang estorya sa ilang pamilya.
Ang magtiayon may pito ka mga anak diin tulo niini ang benepisyaryo sa Pantawid Pamilyang Pilipino Program ug kini sila mao si Aria Venice, Lee Mark ug Vic Jun.
Ang ilang kinamagulangan nga si Ivy usa ka electrical engineering graduating student, si Rose Marie ang ikaduha naa na karon sa 3rd year college nga nikuha sa kursong Bachelor of Education, si Prince naa sa day care ug ang kinamanghoran nga si Vincent Ian duha ka bulan pa lamang.
Ang Pantawid Pamilya usa ka conditional cash transfer sa gobyerno nga namuhonan sa edukasyon ug panglawas sa mga kabos nga banay nga may anak nga may edad 0-18. Gi-implementar kini ubos sa Department of Social Welfare and Development (DSWD).
Agi og pag-ila sa ilang modelong partner-beneficiary, ang DSWD nangita matag-tuig og Huwarang Pantawid Pamilya nga awtomatikong maapil sa ilang ‘pool of family ambassadors’ sa maong programa.
Ang maong pagpangita mo-ila sa mga pamilyang nagpakita og maayo ug lig-on nga relasyon, positibo nga Pilipinhong pamatasan ug may positibong impak sa komunidad diin sila namuyo.
Ang ubang mananaog sa probinsiya mao ang pamilya Alingasa sa Barangay La Libertad Sur, Catigbian (2nd place) ug pamilya Manginsay sa Barangay Hunan, Buenavista (3rd place).
Ang nag-unang provincial winners awtomatikong mobangga alang sa regional search ug ang regional winner maoy opisyal nga ipadala sa DSWD-7 ngadto sa national search.
Ang awarding ceremony sa regional search ipahigayon sa Hulyo 8, 2016 sa syudad sa Sugbo. (ecb/PIA7-Bohol)
