by aimee | Dec 11, 2012 | Headlines, Local News / Bohol Balita
TAGBILARAN CITY, Bohol, Dec. 11 (PIA)–Gilagdaan na kagahapon nilang Department of Transportation and Communications (DOTC) Secretary Joseph Emilio Aguinaldo Abaya ug Department of Trade and Industry (DTI) Secretary Gregory L. Domingo ang DOTC-DTI Joint Administrative Order (JAO) No. 1, Series of 2012 o mas gi-ila sa Air Passenger Bill of Rights.
Gi-aprubahan ang maong kamanduan human ang tulo ka public hearings nga gipahigayon sa duha ka ahensya.
Gitambungan kini sa mga tinugyanan sa pipila ka stakeholders sama sa airline companies, consumer groups ug ubang concerned citizens.
Kauban usab sa public consultations ang pipila ka government units, sama sa Department of Tourism (DOT) ug mga opisina sa ubang senador ug congressman.
Epektibo ang joint order sa Disyembre 21 human ang 10 ka adlaw nga pagpatik niini sa publiko sa mga pahayagan ang kamanduan.
Ubos sa maong kamanduan, obligado na ang mga airline company nga hatagan og compensation ug amenities ang mga pasahero sama sa refreshments o meals, hotel accomodations ug transportasyon paingon ug pagbiya sa tugpahanan.
Sakop usab niini ang pakig-alayon sa oras sa kanselasyon ug delays.
Apil usab sa JAO ang: right to be provided with accurate information; right to receive full value of the service purchased; ug right to compensation in cases of delay, cancellation, and delayed, lost or damaged baggage.
Ubos sa Air Passenger Bill of Rights, magarantiyahan na ang katungod sa mga pasahero batok sa mga giingong makailad nga polisiya ug sumbanan sa mga airline companies.
Alang sa mga detalye sa DOTC-DTI JAO No. 1, Series of 2012, bisitaha lang sa Official Gazette website: http://www.gov.ph ug sa Civil Aeronautics Board website: http://www.cab.gov.ph. (PIA-Bohol/ecb/I-hd)
by aimee | Nov 28, 2012 | National News
THE Philippine economy grew by 7.1% in the third quarter this year beating government targets and besting other Southeast Asian economies, a Palace official said on Wednesday.
“Among our neighbors the country’s GDP (Gross Domestic Product) growth was higher than Indonesia’s 6.2%, Malaysia’s 5.2%, Vietnam’s 4.7%, Thailand’s 3.0%, and Singapore’s 0.3%,” Presidential Spokesperson Edwin Lacierda said in a statement during the regular press briefing in Malacanang on Wednesday.
“This impressive expansion from 3.2% in the same quarter last year, places the country’s nine-month growth rate at 6.5% and on track to surpass the 5-6% full year growth target set by the National Economic Development Authority,” he said.
The Philippine economy has shown both resilience and resurgence despite the global economic slowdown, Lacierda said.
Lacierda said the 7.1-percent GDP growth in the third quarter was made possible due to sustained confidence in the leadership of President Aquino who has consistently equated good governance with good economics.
“Underscored by deft fiscal management, responsible and transparent public spending, and a continuously strengthening partnership between government and business has resulted in a virtuous cycle for the Philippine economy,” Lacierda noted.
“Government has also pushed to ensure this economic growth is felt by the broadest number of people. Within the same nine-month period, the Aquino administration has enrolled more than three million beneficiaries under the Conditional Cash Transfer program and has distributed P20 billion for this priority social investment,” he said.
On top of this, Lacierda said, the spending for public health has also increased resulting in an expansion of health care safety nets and improvements in hospitals and health centers all over the country.
“Equitable and inclusive growth is a commitment of the Aquino administration that has prioritized the establishment of both social and physical infrastructure, which continues to redound to a more robust economy for the benefit of all Filipinos,” Lacierda said. (PND)
by aimee | Nov 28, 2012 | Headlines, National News
TAGBILARAN CITY, Bohol, Nov. 28 (PIA)–Nilambo ang Gross Domestic Product (GDP) sa nasud sa ikatulong quarter ning tuig, matud pa sa National Statistical Coordination Board (NSCB) karong adlawa.
Gikan Hunyo hangtud Setyembre, nilambo ang ekonomiya sa nasud og 7.1 porsiyento, labaw sa gi-target sa gobyerno nga 5 hangtud 6 porsiyento.
“We are on our way to exceeding our target of 5-6 percent,” matud pa ni Socioeconomic Planning Sec. Arsenio Balisacan.
Gitumbok usab sa NSCB nga nakatabang ug daku sa maayong performance sa ekonomiya ang industry ug services sectors.
Ang maong pagsaka sa GDP ang labing paspas nga natala sa tanang mga nasud sa Southeast Asia ug ika-duha kini sa 7.7 porsiyento sa China, nga nanguna sa tibuok East Asia.
Bisan siyam ka buwan pa lamang ang nakalabay, nakapatala na og 6.5 porsyento nga paglambo gikan Enero hangtud Setyembre, diin nalabwan niini ang target nga paglambo sa ekonomiya nga 5 hangtud 6 porsyento alang sa tibuok tuig. (PIA-Bohol/ecb/I-ed)
NDRRMC, nangandam na sa satellite launch sa SoKor
TAGBILARAN CITY, Bohol, Nov. 28 (PIA)–Madayon na ang satellite launch sa South Korea sa Nobyembre 29, Huwebes human ang pipila ka higayon nga wala kini gipadayon.
Base sa gipagawas nga advisory sa National Disaster Risk Reduction and Management Council (NDRRMC), miingon si Executive Director Benito Ramos nga alas-3:00 sa hapon sa Pilipinas gipaabot nga buhian ang satellite.
Base sa kalkulasyon, mohagsa ang unang rocket booster sa satellite sa gilay-ong 450 nautical miles sa Palanan, Isabela.
Mohagsa usab sa kadagatan sa Eastern Samar sa gilay-ong 340 nautical miles ang ikaduhang booster, samtang sa kadagatan sa Surigao mohagsa ang uban pang debris.
Kalabot niini, gibutang na sa blue alert status karong adlawa ang tanang ahensyang motutok sa satellite launch.
Alas-8:00 usab ugma sa buntag, Huwebes, ipasaka ang red alert status.
Gi-anunsyo usab ni Ramos nga hingpit nilang gipatuman ang no fly zone, no sail zone ug no fish zone sa Kadagatang Pasipiko.
Nanawagan ang NDRRMC sa mga apektadong residente nga mag-amping ug mosunod sa abiso sa mga awtoridad. (PIA-Bohol/ecb/I-gg)
by aimee | Nov 27, 2012 | Headlines, National News
TAGBILARAN CITY, Bohol, Nov. 27 (PIA)–Naa sa 100 hangtud 120 ka mga partylist group lamang ang tugotan sa Comelec nga makaapil sa 2013 midterm elections.
Matud pa ni Comelec Chairman Sixto Brillantes, target nilang mahuman ang deliberasyon ug botohan sa mga partylist group sa dili pa matapos ang buwan sa Nobyembre.
Gipasabot ni Brillantes nga kun dili nila kini mahuman, mahimong tiwason nila kini hangtud sa unang semana sa Disyembre.
Giingong kapin 300 na ang ilang na-evaluate diin 172 ka grupo ang ni-apply og akreditasyon samtang ang 184 adunay existing registration na.
Sa maong gidaghanon, kapin sa 80 ka partylist group na ang nadiskwalipika samtang lima usab ang gitogutan nga makaapil sa piniliay. (PIA-Bohol/ecb/I-gg)
Gun ban exemption sa pipila ka gov’t. institutions, gipalapdan sa Comelec
TAGBILARAN CITY, Bohol, Nov. 27 (PIA)–Gipalapdan sa Commission on Elections (Comelec) ang listahan sa mga government institutions nga exempted sa ipatuman nga total gun ban sa buwan sa Enero sa sunod tuig.
Sa 17 ka pahinang resolusyon sa Comelec en banc, na-apil sa listahan nila ang internal security personnel sa bise presidente, DILG secretary ug defense secretary.
Kauban na usab sa resolusyon sa ahensya ang state, regional, provincial ug city prosecutors sa Department of Justice (DoJ), apil na ang internal security personnel sa Bureau of Correction (BuCor) ug Bureau of Treasury.
Matud pa ni Comelec Chairman Sixto Brillantes, angay naka-plantilla position ang mga security personnel, naka-uniporme kun magdala sa pusil ug may saktong permiso kini gikan sa Philippine National Police (PNP). (PIA-Bohol/ecb/I-gg)
by aimee | Nov 27, 2012 | National News
TAGBILARAN CITY, Bohol, Nov. 27 (PIA)–Naglaum ang administrasyong Aquino nga mahimong kugihan ug mosaka ang moral sa mga empleyado sa gobyerno human nilang ipatuman ang Performance-Based Bonus (PBB) sugod karong tuig.
Gipasabot ni Budget Secretary Florencio ‘Butch’ Abad nga gipatuman sa administrasyon ang PBB aron mahatagan og reward ang mga empleyado nga makugihong nag-alagad sa gobyerno.
Ang PBB nagkantidad gikan P5,000 hangtud P35,000, diin lahi pa kini sa madawat nga Christmas bonus ug 13th month pay sa mga empleyado sa gobyerno.
Gi-klaro usab ni Abad nga kun ang usa ka government employee nagmakugi sa iyang trabaho apan ang mga kauban niini sa yunit o sa team tapulan apil na ang ilang boss, dili madawat sa kugihan nga empleyado ang maximum bonus nga P35,000 tungod kay maapil kini sa katapolan sa mga ka-team.
Ang PBB system na usab ang gamitong basehan sa paghatag og promosyon, pag-isyu ug presidential public service citations ug probisyon sa study grants. (PIA-Bohol/ecb/I-hd)
Inter-agency committee, gitukod batok sa HR violations
TAGBILARAN CITY, Bohol, Nov. 27 (PIA)–Gimandu kagahapon ni Presidente Benigno “Noynoy” Aquino III ang pagtukod og special teams aron mohimo og imbestigasyon kalabot sa human rights abuses sa mga puwersa sa gobyerno ug pribadong armadong grupo.
Giingong katoyuan niining matutokan ang imbestigasyon ug mahimong paspas ang resolusyon sa mga bag-o ug daang kaso.
Matud pa ni Executive Secretary Paquito Ochoa, ang mga special teams mahimong parte sa inter-agency committee (IAC) nga gitukod sa Presidente ubos sa Administrative Order (AO) No. 35 nga gilagdaan niadtong Nobyembre 22.
Nasulod sa AO 35 nga ang maong komite ang eksklusibong mogunit sa mga extra-legal killings, enforced disappearances, torture ug uban pang human rights violations.
“This presidential directive reinforces the Aquino administration’s resolve to uphold and protect the rights of the people. We believe that the creation of this high-level committee will be a more effective mechanism in handling and monitoring cases of human rights violations,” matud pa ni Ochoa.
Gipahayag ni Ochoa nga epektibo dayon ang AO 35 ug alisdan niini ang AO No. 211 niadtong 2007 nga nagtukod saTask Force Against Political Violence.
Ubos sa AO 35, ang kalihim sa Department of Justice (DoJ) ang chairperson sa IAC ug miyembro ang head sa Presidential Human Rights Committee (PHRC), secretaries sa Departments of the Interior and Local Government (DILG) ug National Defense (DND), presidential advisers of the Peace Process and Political Affairs (OPAPA), chief-of-staff sa Armed Forces of the Philippines (AFP), Philippine National police chief ug National Bureau of Investigation (NBI) director. (PIA-Bohol/ecb/I-sjp)
