by aimee | Aug 14, 2012 | Local News / Bohol Balita
TAGBILARAN CITY, Bohol, Aug. 14 (PIA)–Adunay programa karon ang Philippine Coconut Authority (PCA) nga manghatag og lubi.
Kini ang gipahibalo ni Jose Allan Cajilog, ang tigpamaba sa PCA atol sa information sharing sa mga miyembro sa Association of United Development Information Officers in Bohol (AUDIO-Bohol) sa ilang panagtapok niadtong Huwebes sa JJ’s Dimsum Restaurant.
Ang maong programa nga coconut seedling dispersal project sa PCA manghatag og mga libreng dwarf seed nuts sa lubi.
Matud pa ni Cajilog nga kadtong interesadong mangayo, mahimong moadto sa ilang mga lokal nga Municipal Agriculture Office (MAO) sa ilang lungsod.
Kini tungod kay ang mga PCA Coconut Development Officers naggunit naman og upat hangtud lima ka lungsod mao nga direkta na silang nakig-coordinate sa mga MAOs, sigun pa ni Cajilog.
Gawas niini, aduna usab dwarf coconut tree planting project ang kagamhanang probinsiyal diin gi-implementar kini sa pakig-abag sa PCA.
Dinhi, nangita ang kagamhanang probinsiyal og mga viable nga organisasyon ilabi na kadtong mga small coconut farmers association sa butahan sa PCA nga ilang gi-asistahan.
Ang kagamhanang probinsiyal ang mohatag sa mga organisasyon sa mga dwarf seed nuts nga ilang paturokon.
Maghimo lamang sila og nursery ug kadtong mga moturok nga seed nuts, bayaran pa gyud sa kagamhanang probinsiyal og P10.00 matag usa.
Kining maayong programa agi ug pagdasig sa mga mag-uuma sa pagtanom og mga lubi.
Kadtong ma-produce nga mga seedlings sa nursery sa mga organisasyon, ipanghatag ra usab kini sa mga katawhan nga interesadong magtanom.
Alang niining programaha, makig-coordinate lamang sa mga lokal nga MAO sa kalungsoran o moadto mismo sa mga Coconut Officers sa PCA ug libre lamang kining tanan.
Ang dwarf o mugbo nga lubi gi-promote karon sa kagamhanang probinsiyal tungod kay daghang mga investors nga nisulod sa Bohol ang nangita og mga continuous dwarf coconut population tungod sa kakusog sa demand sa coco sugar sa gawas sa nasud. (PIA-Bohol/ecb)
by aimee | Aug 14, 2012 | Announcements, National News
TAGBILARAN CITY, Bohol, Aug. 14 (PIA)–Pormal na nga gi-deklarar kagahapon ni Presidente Benigno “Noynoy” Aquino III isip regular holiday ang Agosto 20, adlaw nga Lunes, agig pagsaulog sa Eid’l Fitr sa mga Muslim.
Kini ubos sa Proclamation 455 nga gilagdaan sa Presidente alang sa maong holiday declaration sa tibuok nasud.
“To promote cultural understanding and integration, the entire Filipino nation should have the full opportunity to join their Muslim brothers and sisters in the observance and celebration of Eid’l Fitr,” ani sa parte sa proklamasyon.
Tungod niini, adunay long weekend ang katawhan sugod Sabado, Agosto 18 hangtud Martes, August 21 nga deklarado usab nga holiday tungod kay Ninoy Aquino Day.
Sa Agosto 21, ihandom ang adlaw diin gipusil ug napatay ang amahan sa Pangulo nga si kanhi Senador Ninoy Aquino.
Samtang nagpaabot usab ang long weekend sa katawhan sa Agosto 27.
Base sa listahan sa mga holidays karong 2012 sa Palasyo, deklaradong holiday usab ang Agosto 27 tungod kay National Heroes Day kini nga naa sa katapusang adlaw sa Domingo sa buwan sa Agosto. (PIA-Bohol/ecb)
PNoy sa Comm Group: tabang sa pagpa-simple sa weather advisory
TAGBILARAN CITY, Bohol, Aug. 14 (PIA)–Gimanduan mismo ni Presidente Benigno “Noynoy” Aquino III si Presidential Communications Sec. Sonny Coloma nga makighinabi ni Department of Science and Technology Sec. Mario Montejo ug sa PAGASA aron himuong simple ang weather bulletins.
Kahinumdoman nga dugay nang gireklamo sa Presidente ang komplikado ug teknikal kaayo nga weather updates sa PAGASA.
Matud pa ni Sec. Coloma, plantsahon pa nila kun unsaon paghimong klaro ug mas daling masabtan ang mga advisory kalabot sa panahon.
Sigun pa ni Coloma, himuon usab nilang mas kanunay ang pagpagawas sa mga anunsyo sa radyo ug telebisyon sa gobyerno, apil na usab sa Twitter.
Gawas sa Pangulo, daghang katawhan ang wala pa nakasabot sa gigamit nga color coding sa gidaghanon sa ulan ug sa Project NOAH sa DOST-PAG-ASA. (PIA-Bohol/ecb)
by aimee | Aug 13, 2012 | Announcements, National News
TAGBILARAN CITY, Bohol, Aug. 13 (PIA)–Sa pagkakaron, duha pa lamang ang deklaradong public holiday karong buwan. Kini ang Agosto 21 ug 27.
Pagtin-aw kini ni deputy presidential spokesperson Abigail Valte sa nagkadaghang pangutana kun deklarado ba usab nga holiday ang Agosto 20 nga maoy adlaw sa pagtapos sa Ramadan o gitawag nga Eid’l Fitr.
Matud pa ni Valte, wala pay opisyal nga proklamasyon alang sa maong selebrasyon nga isaulog sa tanang Muslim sa tibuok kalibotan.
“No declaration yet,” ang mubong tubag ni Valte.
Ang Agosto 21 ang paghandom sa death anniversary ni kanhi Sen. Benigno Aquino Jr., amahan ni PNoy, samtang ang Agosto 27 ang pagsaulog sa National Heroes’ Day.
Base kini sa Proclamation No. 295 nga gilagdaan ni PNoy niadto pang Nobyembre 24, 2011. (PIA-Bohol/ecb)
Mga nabahang may utang sa NHMFC, dili una singlon
TAGBILARAN CITY, Bohol, Aug. 13 (PIA)–Dili una singlon sa National Home Mortage Finance Corporation (NHMFC) ang mga adunay utang nila nga naapektuhan sa mga pagbaha tungod sa Habagat.
Matud pa ni Vice President Jejomar Binay nga maoy chairman sa board of directors sa NHMFC, mahimong dili una mobayad ang mga may housing loan sa ahenya sa mosunod nga unom ka buwan kun naapektuhan sila sa baha.
Ang unom ka buwang moratorium magsugod sa MiyerkUles, Agosto 15 ug mahuman sa Pebrero 15 sa sunod tuig isip tabang na usab sa ahensya sa mga gibahang may housing loan.
Sulod sa maong panahon, dili usab ipatuman ang interest ug multa.
Mahimong mo-apply sa unom ka buwang moratorium ang mga naapektuhan sa baha nga may kasamtangang housing loan sa NHMFC hangtud sa Septyembre 1 ug kinahanglan lang dalhon ang barangay certification nga apil sila sa mga naapektuhan sa baha.
Samtang ang mga adunay housing loan sa maong ahenya nga dili na gustong balikon pa ang mga gibahang balay ilabi na kadtong naguba tungod sa baha, mahimong boluntaryong itugyan ang ilang balay pinaagi sa gitawag nga “dacion en pago” nga apil sa settlement of loan obligation nga i-base sa terms and condition ubos sa balaod. (PIA-Bohol/ecb)
by aimee | Aug 13, 2012 | National News
TAGBILARAN CITY, Bohol, Aug. 13 (PIA)–Giduso dayon sa Judicial and Bar Council (JBC) kang Presidente Benigno “Noynoy” Aquino III karong hapon ang walo ka pangalan nga mga nominado alang sa mosunod nga punong mahistrado.
Apil sa mga pangalang nasulod sa shortlist sa JBC silang: incumbent Supreme Court Justices Antonio Carpio nga nakakuha og pito ka boto; Roberto Abad, six votes; Arturo Brion, 6; Teresita Leonardo De Castro, 5; ug Maria Lourdes Sereno, 6; Solicitor General Francis Jardeleza, 6; former Ateneo Law Dean Cesar Villanueva, 5 ug Ronaldo Zamora, 6.
Matud pa ni JBC ex-officio member ug Iloilo 5th district Rep. Neil Tupas Jr., kumpleto ang walong miyembro sa JBC nga mi-botar sa mga nominado sa chief justice post.
Giingong bahala na si P-Noy sa pagdesisyon kun kinsa ang mapili niining ihulip sa gipalagpot nga si kanhi CJ Renato Corona.
Na disqualified si Justice Sec. Leila de Lima tungod sa gi-atubang niini nga disbarment case sa Integrated Bar of the Philippines (IBP) kalabot sa giingong pagsalikway niini sa temporary restraining order kaniadto sa Supreme Court sa kaso ni kanhi Presidente Gloria Arroyo.
Base sa gipatuman nga JBC Rule 4, Section 5, ang bisan kinsang adunay pending criminal o regular administrative cases, may pending criminal cases sa foreign courts, na-convict sa bisan unsang criminal case o administrative case nga adunay multa nga P10,000 pataas, disqualifed sa appointment sa bisan unsang judicial post. (PIA-Bohol/ecb)
DFA: Walay Pinoy casualty sa 2 ka linog sa Iran
TAGBILARAN CITY, Bohol, Aug. 13 (PIA)–Walay Pinoy nga nadamay sa 6.4 ug 6.3 magnitude nga linog sa northwestern Iran nga nikutlo og kapin sa 200 ka kinabuhi ug naka-angol sa halos 2,000 sa niaging adlaw.
Matud pa sa tigpamaba sa DFA nga si Raul Hernandez, nagpabiling naa sa luwas nga kahimtang ang may 1,000 ka Pinoy nga naa sa kabisera sa Iran human ang maong nagsunod nga linog ug padayong aftershocks.
Giingong andam ang Embahada nga tabangan ang mga Pinoy kun aduna may naapektuhan sa linog.
Base sa report sa United States Geological Survey, ang epicenter sa 6.4 magnitude nga linog natala sa gilay-ong 48 kilometro nga may gilawmon nga 98 kilometro sa amihanang sidlakan sa Tabriz City niadtong Sabado ug human sa 11 ka minuto, gisundan og 6.3 magnitude nga may sukod nga 49 kilometro sa northeast sa Tabriz.
Tungod sa nagsunod nga linog, nangaguba ug naputol ang mga linya sa kuryente ug komunikasyon sa may unom ka villages ug 60 pa ka lugar. Adunay 40 ka aftershocks ang natala kagahapon sunod sa duha ka kusog nga pagtay-og. (PIA-Bohol/ecb)
by aimee | Aug 13, 2012 | National News
ACTING on President Benigno S. Aquino III’s directives to come up with a permanent solution to control flooding in the country, the Department of Public Works and Highways said on Monday that short-term flood mitigation projects worth P5-billion will be completed within the year.
Public Works and Highways Secretary Rogelio Singson told a press conference in Malacañang that these short term flood mitigation projects, which forms part of the flood control master plan, will entail the repair and rehabilitation of dike structures in Metro Manila and Central Luzon.
“Well, ang matatapos agad diyan… ang mga pag-aayos ng mga nasirang dike— (will be completed in) three to six months. Kasi ang iba namang nasira maiikli lang. Halimbawa, doon sa San Fernando, (Pampanga) ‘yung tinatawag nilang tail dike ay 50 to 70 meters lang. So it should be finished. But we have a long list of identified high impact priority projects worth P5-billion. ‘Yun ang unang-una naming bubunuin,” Singson said.
Aside from the aforementioned tail dike in Pampanga, Singson said that rehabilitation and improvement of the Valenzuela-Obando-Meycauayan river dikes as well as those located in municipalities along Laguna Lake such as Cainta and Rizal provinces are included in the short term flood plan.
He added that the water pumping system of Metro Manila is aging and needs proper upgrade to effectively drain out flood waters to the various tributaries around the metropolis.
“Now, other immediate projects are the upgrading of the pumping systems in Metro Manila which is the responsibility of Metropolitan Manila Development Authority (MMDA) as well as clearing the waterways. This is a major intervention that needs to be done because the major cause of flooding is the overtopping, overflowing of the river systems,” he added. (PCOO)
