by aimee | Jul 19, 2012 | Headlines, Health and Medicine
TAGBILARAN CITY, Bohol, July 19 (PIA)–As July 23, 2012 (Monday) has been declared by His Excellency President Benigno S. Aquino III as a special non-working holiday for the province of Bohol and the City of Tagbilaran, Governor Edgar M. Chatto enjoins all Boholanos to be one with the Provincial Government in devoting the day to an anti-dengue clean-up of their surroundings.
Although Bohol Day falls on a Sunday this year and will be so commemorated on that day, a presidential proclamation issued by Malacañang confirmed a request from the Office of the Governor to declare Monday, July 23, as a special, non-working holiday.
By virtue of Executive Order No. 25, dated July 9, 2012, the governor declared July 23 as a special Anti-Dengue and Clean-up Day, in response to the recent spate of heavy rains and the rising reported incidence of suspected dengue cases in the province.
With Monday freed up, the governor urges all Boholanos to conduct a concerted community clean-up on the said day to help prevent the spread of the dread disease, keeping in mind to seek and destroy breeding places of dengue mosquitoes, such as discarded tires, drums, cans, bottles, gutters, and other places where there may be stagnant water.
Chatto further pushed for the need for every member of the community to take part in the clean-up stressing that dengue may strike anyone, whether rich or poor.
The governor also reminds the public of the Department of Health’s 4S strategies against dengue: search and destroy breeding places of dengue mosquitos; self-protection measures; seek early consultation; and say “No!” to indiscriminate fogging.
In a meeting at the Governor’s Mansion yesterday called by the governor involving all sectors of the community, habit-forming activities against dengue were also planned out to sustain efforts to eliminate dengue cases and deaths in the province, which had been increasing nationwide due to the dreaded mosquito-borne virus. (PIA-Bohol/ecb)
by aimee | Jul 19, 2012 | Headlines, Health and Medicine
TAGBILARAN CITY, Bohol, July 19 (PIA)–Wala sa teritoryo sa Pilipinas ang 30 ka Chinese fishing vessel bisan naa kini sulod sa Spratly Group of Islands.
Kini ang gitin-aw sa Armed Forces of the Philippines Western Command (AFP WesCom) nga may sakop sa mga islang gi-okupahan sa Pilipinas sa Spratlys.
Matud pa ni WesCom Commander Lt. Gen. Juancho Sabban, 100 milya gikan sa Pag-Asa Island ang Kagitingan Reef ug dugay na kining gi-okupar sa China.
Kun sukdon, mokabat sa kapin 300 nautical miles ang gilay-on sa Kagitingan Reef sa Puerto Princesa, Palawan nga lapas na sa 200 nautical mile exclusive economic zone (EEZ) sa nasud.
Kalabot usab sa misadsad nga Navy vessel sa China sa Hasa-Hasa Shoal nga nasulod sa EEZ sa nasud, giingong posibleng miagi lang kini ug wala man nag-angkla ug gipugngan ang mga mangingisdang Pilipino sa maong lugar. (PIA-Bohol/ecb)
DOH: 2 ka batang nagpositibo sa Enterovirus, maayo na ang kahimtang
TAGBILARAN CITY, Bohol, July 19 (PIA)–Maayo na ang kahimtang sa duha ka batang Pinoy nga nagpositibo sa Enterovirus.
Matud pa ni Department of Health (DOH) Assistant Secretary Eric Tayag, gitino na lang nila kun nakagawas na sa tambalanan ang duha ka bata.
Padayon usab nga nagdumili si Tayag nga ibutyag kun asa nga tambalanan na-confine ang mga bata hangtud wala pa napagawas sa Research Institute for Tropical Medicine (RITM) ang resulta sa laboratory tests niini.
Giingong gipaabot nga karon o ugma mogawas ang resulta sa pagsusi sa RITM kun unsang strain sa Enterovirus ang mi-igo sa mga bata, kun susama ba sa EV-71 nga nakaingon sa kamatayon sa daghang mga bata sa Cambodia.
Apan bisan pa niini, nagtuo si Tayag nga mild form lang sa Enterovirus ang mi-igo sa duha ka bata.
Gitataw usab sa DOH nga walay rason aron maalarma ang publiko taliwala sa taho tungod kay aduna gayud hand, food and mouth disease (HFMD) sa Pilipinas nga mild form lamang ug dili makamatay.
“The reason we reported this case is we wanted hospitals to report any suspected cases of HFMD and this is of course to also alert the public that the HFMD doesn’t have to come from other countries because we have them except that we don’t have fatal form of the disease,” matud pa ni Tayag. (PIA-Bohol/ecb)
by aimee | Jul 19, 2012 | Headlines, National News
TAGBILARAN CITY, Bohol, July 19 (PIA)–Misaka sa 44% ang gigahing budget sa gobyerno alang sa mga State Universities ug Colleges (SUCs) sa umaabot nga tuig 2013.
Matud pa ni Budget and Management Secretary Florencio Abad, gikan sa kanhi P11.3 bilyong budget sa SUCs karong 2012, gisaka na kini sa P34.1 bilyon.
Giingong katuyoan sa pagsaka sa budget nga mapalapdan ug mapanindot ang kalidad sa edukasyon ug mapaayo pa ang katungod sa mga estudyante.
Parte usab kini sa kampanya ni Presidente Aquino nga himuong globally competitive ang mga tunghaan sa nasud.
Samtang gibutyag ni Abad nga makadawat ang University of the Philippines (UP) og P3.9 bilyong dugang sa ilang budget aron mokabat kini sa P10 bilyon.
Giingong apil usab sa maong budget ang P6.5 milyong alokasyon sa Personal Services
ug ang capital outlay nga P1.45 bilyon.
“The Aquino administration recognizes the severe need for capital outlay support in SUCs, which will receive their CO allocations directly. This will jumpstart developments in infrastructure and enable SUCs to acquire laboratory equipment and other necessary facilities to boost their competitiveness and academic capacities,” matud pa ni Abad. (PIA-Bohol/ecb)
Pagpasar sa bag-ong Mining Law Tax, dili prayoridad ni PNoy
TAGBILARAN CITY, Bohol, July 19 (PIA)–Dili prayoridad ni Presidente Benigno “Noynoy” Aquino III ang pagpasar sa bag-ong Mining Tax Law nga usa sa kondisyon sa pag-aprubar sa mga mining permit.
Matud pa sa Pangulo, daghan pang balaodnon ang angay unahon sama nalang sa Freedom of Information (FOI) Bill ug Reproductive Health (RH) Bill nga dugay na usab napondo sa Kamara.
“In effect, there are so many priorities, they really have to make a firm priority. So the mining, can, I think wait a little while.”
Sa pagkakaron, padayon pa gihapon nga gitimbang ni Presidente Aquino ang mga implikasyon kun magpadayon ang pagmina sa nasud ug bukas kini sa mga argumento sa mga pro ug anti-mining.
Apan gitataw sa Pangulo nga mas gusto niyang palapdan ang ecotourism sa nasud kun itandi sa pagmina.
“There’s no question, if there’s a choice between the two. Ecotourism continues on and on and on, while you preserve the sites. Mining, once the minerals are gone, that’s it” matud pa sa Pangulo. (PIA-Bohol/ecb)
by aimee | Jul 18, 2012 | Headlines, Health and Medicine
TAGBILARAN CITY, Bohol, July 18 (PIA)–Gitambagan sa Department of Health (DOH) ang mga pribado ug pampublikong ospital nga ibalik ang dengue express lane.
Matud pa ni Health Assistant Secretary Dr. Eric Tayag, katuyuan niini nga mahatagan dayon og atensyong medikal ang mga pasyente nga adunay dengue nga idagan sa ilang tambalanan aron maatiman dayon ang mga pasyenteng nanginahanglan og confinement.
Kini atubangan sa pagdaghan sa dengue cases sa nasud diin sukad Enero 1 hangtud Hulyo 7, mikabat na sa 46,651 ug 294 niini ang namatay.
Nag-una sa mga lugar nga adunay pinakadaghang kaso sa dengue ang National Capital Region (NCR) sa 23.1% o 10,775 ug 55 ang patay; Region III nga may 15.06% o 7,024 ug 13 ang patay; ug Region IV-A nga nakatala og 13.3% o 6,219 ug 42 patay ang patay.
Dinhi sa lalawigan sa Bohol, natala sa buhatan sa Provincial Health Office (PHO) ang 169 ka kaso sa dengue ug 8 ang patay sukad Enero hangtud sa unang semana sa Hunyo ning tuiga. (PIA-Bohol/ecb)
by aimee | Jul 18, 2012 | Headlines, Health and Medicine
TAGBILARAN CITY, Bohol, July 18 (PIA)–Gitakdang makigtigom ang Department of Health (DoH) sa Biyernes sa mga pediatrician isip pagpangandam sa human enterovirous 71 o EV-71.
Matud pa ni DoH spokesman ug assistant secretary Dr. Eric Tayag, ipatawag ang mga pediatrician pinaagi sa Philippine Pediatric Society aron makatabang sa pagpangandam sa sumbanan kalabot sa mga pasyenteng gitohuang adunay EV-71.
Dugang pa ni Tayag, gitahasan na nila ang mga ospital nga motaho sa DoH kalabot sa mga kaso sa hand, foot and mouth disease (HFMD).
Tambag sa ahensiya sa mga ginikanan, dalhon dayon sa ospital ang ilang mga anak nga adunay sintomas sa HFMD sama sa hilanat, kakapoy, ubo, pagkalibanga ug makitaan usab ug mga hubag-hubag sa nagkalain-laing parte sa lawas o skin rashes.
Una niini, gikumpirmar kagahapon sa DoH ang duha ka batang nag-positibo sa enterovirus.
Apil ang duha sa pito ka specimen nga gidala ug gisusi sa Research Institute for Tropical Medicine (RITM) sa syudad sa Muntinlupa.
Apan gitataw ni Tayag nga bisan kumpirmadong EV case ang duha ka bata, kumpirmahon pa gihapon nila kini kun ang maong EV-71 strain ang nakaingon sa kamatayon sa daghang mga bata sa Cambodia nga nagpangedaron og lima ka tuig pataas.
Gitambagan usab ang mga bata nga kanunay manghugas og kamot tungod sa maong sakit nga mahimong mokatap pinaagi sa hugaw sa tawo, laway ug gikan sa samad sa pasyente. (PIA-Bohol/ecb)
