by aimee | Jul 3, 2012 | National News
TAGBILARAN CITY, Bohol, July 03 (PIA)–Nia na sa Pilipinas ang reyna sa nasud sa Espanya nga si Her Majesty Queen Sofia alang sa lima ka adlaw nga pagbisita sa nasud.
Matud pa sa Department of Foreign Affairs, apil sa mga aktibidad sa reyna ang personal nga pagsusi sa mga development projects nga gipondohan sa Spanish government.
Sakay sa Emirates Airline flight gikan sa Europe, gihatagan og royal welcome sa Ninoy Aquino International Airport si Queen Sofia ni Spanish Ambassador to the Philippines Jorge Domecq ug DFA Sec. Albert Del Rosario.
Gikumpirmar usab ni Sec. Del Rosario nga adunay private audience ang reyna ni Presidente Benigno Aquino III sa Malacañang.
Karong 7:30 sa gabii, adunay dinner ang reyna sa Spanish Ambassador residence sa Forbes Park, Makati City ug ugma sayo sa buntag, sayo kining molibot ug motambong og meeting sa nagkalain-laing NGOs.
Mga 6:30 sa gabii ugma, moadto kini sa Palasyo sa Malacañang ug alas-7:00 sa gabii ang iyang pakig-dinner ni Presidente Aquino.
Sa Miyerkoles, moadto kini sa Albay aron bisitahon ang mga proyektong gipondohan sa Espanya ug sa Climate Change Academy.
Sa Huwebes, moadto na usab kini sa Zamboanga City ug mobalik sa Manila sa Biyernes alang sa usa ka event sa University of Santo Tomas (UST). (PIA-Bohol/ecb)
Indonesian monitoring team, nia na sa Pinas
TAGBILARAN CITY, Bohol, July 03 (PIA)– Nia na sa nasud ang mga gitudlong monitoring team sa Indonesian government aron tutukan ang giduso nga panaghisgot sa kalinaw tali sa gobyerno ug Moro Islamic Liberation Front (MILF) sa Mindanao.
Niabot kagahapon ang Indonesian team nga gilangkoban sa 10 ka opisyal sa militar ug lima ka sibilyan.
Una nang gipahayag ni Indonesian Foreign Minister Natalegawa nga obligasyon na sa ilang nasud nga i-promote ug palig-onon ang relasyon sa Indonesia ug Pilipinas.
Kini ang ikaduhang higayon nga nagpadala sa ilang monitoring contingent ang Indonesia sa nasud.
Ang maong grupo ang moapil sa foreign contingent nga mokuyog sa peace monitoring mission.
Apil nila ang mga tinugyanan gikan sa Malaysia, Brunei, Japan, Libya ug European Union. (PIA-Bohol/ecb)
Hangtud P6-M na ang mahimong hulamon sa Pag-ibig Fund
TAGBILARAN CITY, Bohol, July 03 (PIA)–Gisaka na sa P6 milyon ang maximum loanable amount o kantidad nga mahimong ma-utang sa mga miyembro sa Home Development Mutual Fund (HDMF) o Pag-IBIG Fund gikan sa kasamtangang P3 milyon.
Matud pa ni Pag-IBIG Fund President Darlene Marie Berberabe, gi-aprubahan sa board niadtong Hunyo 22 ang maong lakang ug gipatuman kini sukad kagahapon, Hulyo 2.
Himuon na usab nga market-based ang pagpatong og interes gikan sa fixed rate nga 11.5-percent matag tuig.
Kini nagpasabot nga kun unsa ang kasamtangang interest rate sa mga bangko, mao na usab ang ipatong nilang interes.
Papilion usab ang mga miyembro kun gusto niini ang tulo ka tuig, lima o 10 ka tuig nga pagpahamtang sa repricing sa interes sa ilang utang.
Gilusad usab sa Pag-IBIG ang multi-purpose loan diin mahimong mohulam og gamay nga kantidad nga gusto sa mga miyembro sa ubang galastohan sama sa pagbakasyon. (PIA-Bohol/ecb)
3 ka grabeng sakit, sakop na sa PhilHealth
TAGBILARAN CITY, Bohol, July 03 (PIA)–Sakop na usab sa bag-ong benepisyo sa Philippine Health Insurance Corporation (PhilHealth) ang pipila sa gitawag nga ‘catastrophic illness’ sama sa early stage breast cancer, prostate cancer ug childhood acute leukemia.
Matud pa ni Health Secretary Enrique Ona, chairman sa PhilHealth board, gilusad kagahapon sa PhilHealth ang bag-ong Case type-Z benefit package nga maghatag og substantial financial risk protection ug pagpatambal sa mga catastrophic illnesses.
Ubos sa maong benefit package, magbayad ang PhilHealth og tig-P100,000 alang sa breast cancer ug prostate cancer ug P210,000 usab alang sa standard acute lymphoblastic leukemia.
Apil sa package ang bayad sa hospital services sama sa hospital room ug board fees, mga medesina ug laboratory exams, operating room ug professional fees alang sa kinatibuk-ang panahon sa pagpatambal, apil na ang mandatory ug uban pang serbisyo nga required per illness.
Miingon si Ona nga ang pinakamahinungdanon nga benepisyo mao nga dili na kinahanglan pang magbayad ang mga kabus nga maapil sa i-enroll sa local government unit sa maong sponsored program sa PhilHealth. (PIA-Bohol/ecb)
by aimee | Jun 29, 2012 | Headlines
THE Department of Foreign Affairs (DFA) assured the public yesterday that the new guidelines set to be released would make passport application easier and more convenient before yearend.
The new guidelines will allow the DFA to more effectively respond to the consular needs of the public.
The new program which will include the creation of a nationwide appointment system, would make the passport application process simpler and easier.
Foreign Affairs Secretary Albert del Rosario said he had given the DFA Office of Consular Affairs until Dec. 31, 2012 to put in place a dedicated call center that would allow passport applicants to choose the date and time they would like to be accommodated in any DFA consular office nationwide.
Del Rosario said the proposed appointment system would complement the ongoing transfer of DFA consular offices to shopping malls nationwide under Public-Private Partnership arrangements that would save the government an estimated P1.04 billion in operating costs in the next 10 years.
He said that before the end of the year the DFA would be able to open the first 13 consular offices in Metro Manila and other key cities and at the same time conclude negotiations for similar arrangements for the hosting of consular offices in other parts of the country.
The new guidelines also require all DFA mall-based offices to operate beyond regular office hours from Mondays to Saturdays to accommodate applicants who could not afford to be absent from work or school. These offices will also be open for three hours on Sundays to allow applicants to claim their passports.
Del Rosario also ordered the decentralization of authentication services and to make this service available in Metro Manila and San Fernando, Pampanga; Cebu, and Davao.
He said the DFA has no plans of increasing its passport fees, which are currently pegged at P950 for regular processing and P1,200 for expedited processing. (DFA)
by aimee | Jun 29, 2012 | Headlines, National News
TAGBILARAN CITY, Bohol, June 29 (PIA)–Nimugna og quick response team (QRT) ang gobyerno human sa gikataho’ng pagpasirado sa US auto giant nga Ford sa ilang assembly plant sa Sta. Rosa, Laguna.
Gibutyag ni Presidential Spokesperson Edwin Lacierda nga langkoban sa Department of Labor and Employment (DOLE), Department of Trade and Industry (DTI) ug Technical Education and Skills Development Authority (TESDA) ang QRT.
Giingong siguradohon sa QRT nga makuha sa mga maapektuhang empleyado ang ilang separation pay gawas sa pagpaubos niini sa dugang training aron makabalhin sa bag-ong kumpanya ug matabangan sa pagtukod og kaugalingong negosyo.
Gi-klaro usab ni Lacierda nga wala pa hinuon sila nakadawat og pormal nga notice of closure gikan sa Ford.
Giingong dili moubos sa 250 ka empleyado sa assembly plant ang maapektuhan sa planong pagsirado apan magpabilin ra gihapon ang mga empleyado sa sales department sa Ford.
(PIA-Bohol/ecb)
DFA, may bag-ong sistema na sa pagkuha og passport
TAGBILARAN CITY, Bohol, June 29 (PIA)–Mas dali na ang proseso sa pagkuha og passport tungod sa bag-ong sumbanan nga gipagawas sa Department of Foreign Affairs (DFA).
Gipasigarbo ni DFA Secretary Albert Del Rosario sa ika-114 nga anibersaryo sa pagkatukod sa maong buhatan ang pagbaton og nationwide appointment system sa 2013.
Gimando na sa kalihim ngadto sa Office of the Consular Affairs nga ipahimutang hangtud sa katapusan sa Disyembre ang pagbutang og mga call center diin motawag ang mga aplikante aron magpa-iskedyul sa pagproseso sa passport bisan asa nga consular office sa nasud.
Dinhi, malikayan na ang taas nga pila tungod kay moadto na lang ang aplikante sa mismong adlaw ug oras nga gipili niini.
Kasamtangan pa gihapon gibalhin karon ang ubang consular office sa mga mall isip parte sa public-private arrangement diin abli kini gikan Lunes hangtud Sabado ug tulo ka oras nga abli kun sa adlaw nga Domingo.
Gimando na usab sa kalihim ang decentralization sa mga authentication service ug mahimo na usab kining ipahigayon sa San Fernando, Pampanga, Cebu ug Davao, gawas sa Metro Manila.
Gisiguro usab ni Del Rosario nga magpabilin sa P950.00 ang bayad sa regular nga processing sa pasaporte ug P1, 200.00 usab sa mas dali nga proseso. (PIA-Bohol/ecb)
by aimee | Jun 28, 2012 | Headlines, Local News / Bohol Balita
TAGBILARAN CITY, Bohol, June 28 (PIA)–President Benigno S. Aquino III has declared July 2, which falls on a Monday, as a special (non-working) day in Tagbilaran City in the province of Bohol in celebration of its 46th Charter Day.
The Chief Executive issued the declaration through Proclamation No. 417 signed by Executive Secretary Paquito N. Ochoa Jr. on June 27, to give the people of Tagbilaran City the full opportunity to celebrate and participate in the occasion with appropriate ceremonies.
The city marks the commemoration of its Charter Day on July 1, which falls on a Sunday.
President Aquino granted the request of the Eleventh Sangguniang Panlungsod to declare July 2 as a special (non-working) day instead of July 1 in the city.
Tagbilaran became a chartered city on July 1, 1966 by virtue of Republic Act No. 4660. (PIA/PCOO)
by aimee | Jun 28, 2012 | Headlines, National News
TAGBILARAN CITY, Bohol, June 28 (PIA)–Mikunhod ang gidaghanon sa mga Pinoy nga nagtuong kabus sila.
Base sa labing ulahing survey sa Social Weather Stations (SWS) nga gipahigayon niadtong Mayo 24 hangtud 27, migawas nga mi-ubos sa 10.3 milyong pamilyang Pinoy o 51-percent sa respondents ang miingon nga kabus sila kun itandi sa 11.1 milyong pamilyang Pinoy o 55-percent nga natala niadtong Marso.
Matud pa usab sa maong survey nga gi-apilan sa 1,200 ka respondents, mas daghang taga-rural areas ang miingon nga naglisud sila nga mikabat sa 61-percent kun itandi sa 42-percent nga urban respondents.
Samtang migawas usab sa SWS survery nga mikunhod ang gidaghanon sa mga pamilyang Pinoy nga nagtuong naglisud sila sa ilang pagkaon.
Gikan sa 45-percent o 9.1 milyong pamilyang Pinoy niadtong Marso, mikunhod na sa 39-percent o 7.9 milyong pamilya ang gipanggutom.
Gitataw sa SWS nga bisan mi-uswag ang kahimtang sa kadaghanan sa mga Pinoy, daghan pa gihapon sa ilang mga nahinabi ang padayon nga nagdaginot. (PIA-Bohol/ecb)
Bag-ong LPA, mosulod sa nasud sa Domingo
TAGBILARAN CITY, Bohol, June 28 (PIA)–Bisan hingpit nga wala pa nakagawas sa Philippine area of responsibility (PAR) ang Bagyong Dindo, may bag-ong dautang panahon na usab nga gibantayan ang Philippine Atmospheric, Geophysical and Astronomical Services Administration (PAGASA).
Sa usa ka press conference sa kaulohan, gibutyag ni PAGASA weather forecaster Nathaniel Servando nga posibleng mosulod sa Philippine area of responsibility (PAR) ang bag-ong low pressure area (LPA) nga nasigpatan duol sa Mindanao.
“Inaantabayanan natin, mayroon pong namumuong sama ng panahon dito po sa Caroline Islands sa may Micronesia, silangan po ‘yan ng Mindanao. May kalauyan pa po pero inaasahan natin na ito po ay papasok sa Philippine area of responsibilty around Sunday kaya patuloy po ang ating pagbabantay,” matud pa ni Servando.
Matud pa usab ni weather forecaster Robert Sawi nga ang maong LPA mas kuyaw tungod sa daku ang posibilidad niining mo-igo sa kayutaan.
Sa higayon nga mosulod sa PAR ang gibantayang bagyo, hinganlan kini og “Enteng.” (PIA-Bohol/ecb)
411-2292/ 501-8554/ 0920 954 5482 email piabohol171@yahoo.com
Hulyo 2, special non-working day sa syudad sa Tagbilaran
TAGBILARAN CITY, Bohol, June 28 (PIA)–Gi-deklarar ni Presidente Benigno S. Aquino III ang Hulyo 2, Lunes isip usa ka special (non-working) day sa syudad sa Tagbilaran sa lalawigan sa Bohol sa kasaulogan sa ika-46 niini nga Charter Day.
Gipagawas sa Presidente ang deklarasyon pinaagi sa Proclamation No. 417 nga gilagdaan ni Executive Secretary Paquito N. Ochoa Jr. niadtong Hunyo 27, aron mahatagan og kahigayonan ang katawhan sa syudad sa Tagbilaran nga isaulog ug mokaapil sa mga kalihokan alang sa kasaulogan niini.
Ang syudad maghandom sa ilang Charter Day sa Hulyo 1, nga natunong sa adlaw nga Domingo.
Gihatagan og pagtugot ni Presidente Aquino ang hangyo sa 11th Sangguniang Panlungsod nga ideklarar ang Hulyo 2 nga special (non-working) day sanglit nga Hulyo 1 sa syudad.
Nahimong chartered city ang syudad sa Tagbularan niadtong Hulyo 1, 1966 pinaagi sa Republic Act No. 4660. (PIA-Bohol/ecb)
Tips kun adunay kilat
TAGBILARAN CITY, Bohol, June 28 (PIA)–Usa matag 600,000 ka tawo lamang ang posibleng maigo og kilat apan ning bag-o lang, daghan ang mga naigo sa ‘killer’ kilat.
Tungod niini, nihatag og tips ug mga tambag ang Philippine Atmospheric, Geophysical and Astronomical Services Administration (PAGASA) aron malikay ang publiko sa disgrasya.
Kun kusog ang ulan nga adunay dalugdog ug kilat, likayan gayud ang mga taas nga lugar tungod kay giingong kasagaran maigo sa kilat ang tag-as nga butang.
Magpalayo usab sa mga butang nga agianan og elektrisidad o mga conductors of electricity sama sa tubig, metal structures, linya sa kuryente ug telepono.
Kun naa usab sa tunga-tunga sa bukid ug kalit lang mokilat, dili angay nga mohigda apan angay moduko na lang ug tabunan ang dalunggan.
Giingong dili angay gunitan ang tuhod o ang yuta tungod kay mas giingong moagi ang kuryente nga dala sa kilat sa atong lawas.
Ayaw usab tupad o gunit sa punoan sa kahoy tungod kay ang kilat moigo man sa tunga sa punoan kun dili sa kilid niini.
Gipasabot ni Pagasa weather forecaster Jori Louiz nga kun ang tawo naa tupad sa kahoy, daku ang kahigayonan nga makuryente kini ilabi na kun naa kini nahimutang sa dapit nga may nakagawas nga gamut.
Kun naa usab sulod sa balay, angay mopalayo sa bintana ug ayaw guniti ang kable sa kuryente ug telepono ug tubo nga adunay tubig.
Gipasidan-an usab ang publiko sa partikular nga matang sa gabon nga gitawag og “Cumulonimbus Cloud” nga may dalang kusog nga hangin, pag-ulan ug pagkilat. (PIA-Bohol/ecb)
