by aimee | Sep 10, 2013 | Headlines
TAGBILARAN CITY, Bohol, Sept. 10 (PIA)–Gipahayag ni Agriculture Secretary Proceso Alcala nga walay rice shortage o krisis sa bugas sa nasud.
Matud pa niya, ang mga balitang nikatap kalabot sa kakulang sa bugas hinimo lamang sa mga nagplanong pahimoslan ang mga mamamalit.
Tungod niini, gukdon ug pasakaan sa gobyerno og kaso ang mga nagpakatap sa mga sayop nga balita kalabot sa pag-ubos sa supply sa bugas.
Dugang pa ni Alcala, gitun-an na sa ilang legal team ang posibleng kaso nga economic sabotage batok sa mga adunay kasayuran sa rice panic sa mga mamamalit.
Gi-angkon sa kalihim nga nalambigit niini ang mga dagkung tawo. Giingong posibleng mga rice smuggler kini sila nga naigo sa paghugot sa ahensya sa importasyon sa bugas.
Dugang pa sa kalihim, may pasakaan na sila og kaso sulod ning semanaha.
Gisubli ni Alcala nga walay krisis ug ting-ani na sa mosunod nga semana mao nga gipaabot ang pag-ubos sa presyo sa bugas. (PIA-Bohol/ecb)
by aimee | Sep 10, 2013 | Headlines, National News
TAGBILARAN CITY, Bohol, Sept. 10 (PIA)–Nagpagawas ganinang buntag og temporary restraining order (TRO) ang Supreme Court (SC) batok sa pagpagawas sa Priority Development Assistance Fund (PDAF) o pork barrel sa mga magbabalaod ubos sa General Appropriations Act of 2013.
Kini ang nauyonan sa mga mahistrado sa Korte Suprema human sa gipahigayon nilang en banc session ganinang buntag.
Una nang gi-suspender ni Presidente Benigno ‘Noynoy’ Aquino III ang pagpagawas niini.
Sakop sa maong TRO ang pork barrel sa mga magbabalaod gikan sa nahabiling 2013 budget ug apil usab ang Malampaya funds gawas lamang kun gamiton sa mga programang may kalabot sa energy development.
Gihiusa na sa Korte Suprema ang tulo ka petisyon batok sa pork barrel ug Malampaya funds.
Gihatagan sa SC ang mga petisyuner ug respondents og 10 ka adlaw sa pagduso sa ilang komento.
Gitakda usab sa SC ang oral argument sa Oktubre 8 sa alas 2:00 sa hapon alang sa maong hisgotanan. (PIA-Bohol/ecb)
by aimee | Sep 9, 2013 | Headlines, National News
Malacañang on Monday condemned the attack allegedly perpetrated by members of the Moro National Liberation Front (MNLF) against government troops in Zamboanga City that left one soldier dead and six others wounded.
“We condemn the attack on Zamboanga City in the strongest possible terms. It is incumbent on all people of goodwill to reject the violence that has erupted,” Presidential Spokesperson Edwin Lacierda said in a statement.
Lacierda expressed “great concern” over the ongoing skirmishes in the city following reports that at least 30 civilians including children were reportedly being held hostage by the MNLF rebels and are being used as “human shields”.
“The ongoing attack of armed individuals in Zamboanga City, including initial reports of the possible use of civilians as human shields, is a cause for great concern,” he said.
He assured that authorities are responding to the situation particularly in reducing risk to civilians and are working on restoring peace in Zamboanga City at the soonest time possible.
Lacierda, likewise, said that President Benigno Aquino III is closely monitoring the incident and keeping himself apprised of any development.
“The City government has appealed for the national government to help; the President is being briefed on the situation and is receiving updates as new information comes in,” he said.
Malacanang, meanwhile, warned the public against spreading speculations that might further inflict fear on the people of Zamboanga.
“We ask our fellow citizens to refrain from spreading speculations, as fear and alarm spread by disinformation will only help those intent on disrupting the lives of residents of Zamboanga City,” Lacierda said.
Zamboanga City Mayor Isabelle Climaco-Salazar said that hundreds of armed followers of former MNLF chairman Nur Misuari launched an attack in Zamboanga City before dawn Monday supposedly with demands of declaring independence from the Philippines government.
Climaco-Salazar has suspended classes and operations of government offices within the city due to the situation.
At least 11 MNLF members were arrested following the incident. (PND)
by aimee | Sep 9, 2013 | Headlines
TAGBILARAN CITY, Bohol, Sept. 9 (PIA)–Gilagdaan na ni Presidente Benigno ‘Noynoy’ Aquino III ang Republic Act 106 o ang “Toy and Game Safety Labeling Act ng 2013” aron panalipdan ang mga bata sa mga makuyaw nga duwaan.
Ubos niining balaod, giseguro nga panalipdan ang panglawas ug kaluwasan sa mga bata pinaagi sa pagmando nga butangan og special labeling ang mga duwaan.
Gitakda niining bag-ong balaod nga e-klaro og butang kun adunay gisagol nga bisan unsang matang sa toxic, corrosive, makakatol, strong sensitizer, daling mosilaob o magmugna og pressure tungod sa decomposition, init o uban pang paagi ang mga duwaan.
Ubos niining balaod, tanang duwaan nga hinimo man dinhi sa nasud o gawas sa nasud, gi-angkat, gi-regalo, gipanghatag ug gibaligya sa Pilipinas, angay mosunod sa mga sumbanang luwas, pagbutang og label ug tatak nga nahisunod sa Philippine National Standards.
Angay isuwat sa Ingles o sa Pilipino nga klaro aron mabasa ang bisan unsang pahibalo kalabot sa duwaan agig pagsunod sa Republic Act 7394 o ang Consumer Act sa Pilipinas.
Ang molapas niini pahamtangan og multang dili mo-ubos sa P10,000, apan dili molapas sa P50,000 o pagkabilanggo nga dili mo-ubos og tulo ka buwan ug dili usab molapas sa 2 ka tuig, o ang duha ka silot depende sa desisyon sa hukom.
Tanang duwaan nga walay hapsay nga label pagakuhaon sa gobyerno base sa balaod.
Gimanduan ang Department of Health (DoH) sa pagmantala matag ika-unom nga buwan sa listahan sa tanang misbranded o banned hazardous substances nga dili angay ibaligya tungod kay gi-dili ubos niining balaod.
Katambayayong ang Department of Trade and Industry (DTI) sa DOH sa pagpatuman sa mga sumbanan ug regulasyon sa pagpatuman niining bag-ong balaod.
I-apil sa DTI ug DOH sa tinuig nilang budget ang kantidad nga kinahanglan alang sa pagpatuman niining balaod. (PIA-Bohol/ecb)
by aimee | Sep 9, 2013 | Headlines
TAGBILARAN CITY, Bohol, Sept. 9 (PIA)–Gilagdaan na ni Presidente Benigno ‘Noynoy’ Aquino III ang Republic Act 10618 o “An Act Establishing Rural Farm Schools as Alternative Delivery Mode of Secondary Education and Appropriating Funds Thereof” o ang gitawag nga Rural Farm Schools Act.
Ipatuman sa Department of Education (DepEd) ang bag-ong balaod nga nagtinguhang mahatagan og alternatibong secondary education ang mga lalawigan. Walay bayad sa mga pampublikong rural farm schools, apan sa mga pribadong rural farm schools ubos niining bag-ong balaod, gamay lamang ang pagasinglon sa mga tinun-an.
Ang mga paryente sa mga CARP beneficiaries, dili magbayad kun motungha sila sa mga pribadong rural farm schools.
Usa ka tuig human kini ipatuman, gipaabot nga makaaghat ang DepEd sa pagtukod og bisan usa ka pampublikong rural farm school sa matag lalawigan diin sila ang ahensiya nga magpatuman niining balaod.
Sundon sa curriculum sa rural farm schools ang sumbanang gitakda sa DepEd alang sa mga taas nga tunghaan apan itutok niini ang pagtudlo sa agri-fishery arts.
Makatambayayong sa DepEd sa pagpatuman niining balaod ang Department of Agrarian Reform (DAR), Department of Agriculture (DA), Technical Education and Skills Development Authority (TESDA) ug Agricultural Training Institute (ATI).
Ang Rural Farm Schools gahinan og pondo sa General Appropriations Act. (PIA-Bohol/ecb)
